.jpg)
'നേതൃത്വത്തെ അണികള് തിരുത്തട്ടെ'; വി കുഞ്ഞികൃഷ്ണന്റെ പുസ്തകം ഇന്ന് പ്രകാശനം ചെയ്യും
പയ്യന്നൂരിലെ പാര്ട്ടി ഫണ്ട് ക്രമക്കേടുകളുമായി ബന്ധപ്പെട്ട കൂടുതല് തെളിവുകളും വെളിപ്പെടുത്തലുകളും അടങ്ങിയതാണ് 16 അധ്യായങ്ങളുള്ള പുസ്തകം.
സിപിഐഎം പുറത്താക്കിയ വി കുഞ്ഞികൃഷ്ണന് എഴുതിയ 'നേതൃത്വത്തെ അണികള് തിരുത്തട്ടെ' എന്ന പുസ്തകം ഇന്ന് പ്രകാശനം ചെയ്യും. പയ്യന്നൂരില് നടക്കുന്ന ചടങ്ങില് രാഷ്ട്രീയ നിരീക്ഷകന് ജോസഫ് സി മാത്യു ആണ് പുസ്തകം പ്രകാശനം ചെയ്യുന്നത്. പയ്യന്നൂരിലെ പാര്ട്ടി ഫണ്ട് ക്രമക്കേടുകളുമായി ബന്ധപ്പെട്ട കൂടുതല് തെളിവുകളും വെളിപ്പെടുത്തലുകളും അടങ്ങിയതാണ് 16 അധ്യായങ്ങളുള്ള പുസ്തകം. പോലീസ് കാവലിലാണ് പുസ്തകപ്രകാശന ചടങ്ങ് നടക്കുന്നത്.
tRootC1469263">പയ്യന്നൂര് എംഎല്എ ടി ഐ മധുസുദനനെതിരെ ഗുരുതര ആരോപണങ്ങളാണ് വി കുഞ്ഞികൃഷ്ണന്റെ പുസ്തകത്തിലുള്ളത്. ടി ഐ മധുസൂദനന് പാര്ട്ടിയില് ചെറുഗ്രൂപ്പുകള് ഉണ്ടാക്കിയെന്നും പയ്യന്നൂരിലെ പാര്ട്ടിയെ കൈപ്പിടിയില് ഒതുക്കാന് നോക്കിയെന്നുമാണ് കുറ്റപ്പെടുത്തല്. എന്നാല്, നേതൃത്വം മധുസൂദനനെ രക്ഷിച്ചെന്നും പുസ്തകത്തില് വിമര്ശനമുണ്ട്. 16 അധ്യായങ്ങളും 96 പേജുകളുമുള്ള പുസ്തകത്തിന്റെ 'പാര്ട്ടി ഏരിയ കമ്മിറ്റി ' എന്ന അധ്യായത്തിലാണ് വിമര്ശനമുന്നയിച്ചിട്ടുള്ളത്.
ടി ഐ മധുസൂദനന് എംഎല്എ അടക്കമുള്ളവര് പാര്ട്ടി ഫണ്ടില് വന് തിരിമറി നടത്തി. ധനരാജ് രക്തസാക്ഷി ഫണ്ട്, ഏരിയ കമ്മിറ്റി ഓഫീസ് നിര്മ്മാണ ഫണ്ട്, തിരഞ്ഞെടുപ്പ് ഫണ്ട് എന്നിവയില് ക്രമക്കേട് നടത്തി. കെട്ടിട നിര്മ്മാണ ഫണ്ടിനായുള്ള രസീത് മധുസൂദനന് വ്യാജമായി നിര്മ്മിച്ചു. കെട്ടിട നിര്മ്മാണത്തിനായി സഹകരണ ജീവനക്കാരുടെ ഇടയില് നിന്ന് പിരിച്ച 70 ലക്ഷം രൂപ കാണാനില്ലെന്നും വരവിലും ചെലവിലും ക്രമക്കേട് നടത്തിയെന്നും വി കുഞ്ഞികൃഷ്ണന് വെളിപ്പെടുത്തിയിരുന്നു.