.jpg)
തിരൂരങ്ങാടിയിൽ റോഡ് ഷോയ്ക്കിടെ ലീഗ് പ്രവര്ത്തകൻ കുഴഞ്ഞുവീണ് മരിച്ചു
Updated: Apr 3, 2026, 14:45 IST
ആലുങ്ങല് ബീച്ചില് വെച്ച് സ്ഥാനാര്ത്ഥിക്ക് പ്രവര്ത്തകര് ഹാരമണിയിപ്പിക്കുന്നതിനിടെ സമീപത്തുണ്ടായിരുന്ന മുഹമ്മദ് കോയ പെട്ടെന്ന് കുഴഞ്ഞുവീഴുകയായിരുന്നു
മലപ്പുറം: തിരൂരങ്ങാടിയിൽ റോഡ് ഷോയ്ക്കിടെ ലീഗ് പ്രവര്ത്തകൻ കുഴഞ്ഞുവീണ് മരിച്ചു. മുഹമ്മദ് കോയ(75)യ്ക്കാണ് ജീവൻ നഷ്ടപ്പെട്ടത്. ഇന്നലെയാണ് സംഭവം. യുഡിഎഫ് സ്ഥാനാര്ത്ഥിയുടെ പരപ്പനങ്ങാടി മുനിസിപ്പാലിറ്റിയിലെ പര്യടനത്തിന്റെ ഭാഗമായി തീരദേശത്ത് റോഡ് ഷോ നടക്കുകയായിരുന്നു.
ആലുങ്ങല് ബീച്ചില് വെച്ച് സ്ഥാനാര്ത്ഥിക്ക് പ്രവര്ത്തകര് ഹാരമണിയിപ്പിക്കുന്നതിനിടെ സമീപത്തുണ്ടായിരുന്ന മുഹമ്മദ് കോയ പെട്ടെന്ന് കുഴഞ്ഞുവീഴുകയായിരുന്നു. ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
മരണവിവരമറിഞ്ഞതിനെത്തുടര്ന്ന് റോഡ് ഷോ അടിയന്തിരമായി നിര്ത്തിവെച്ചു. സ്ഥാനാര്ത്ഥി പിഎംഎ സമീര് ഉള്പ്പെടെയുള്ള നേതാക്കള് ആശുപത്രിയിലെത്തി അന്തിമോപചാരം അര്പ്പിക്കുകയും കുടുംബാംഗങ്ങളെ അനുശോചനം അറിയിക്കുകയും ചെയ്തു
