യാത്രക്കാരിൽ ആരോ ഡബിൾ ബെല്ലടിച്ചു; പത്തനംതിട്ടയിൽ കെഎസ്ആർടിസി ബസ് കണ്ടക്ടറില്ലാതെ 5 കിലോമീറ്ററോളം ഓടി

പത്തനംതിട്ട: യാത്രക്കാരിൽ ആരോ ഡബിൾ ബെല്ലടിച്ചതിനാൽ കെഎസ്ആർടിസി ബസ് കണ്ടക്ടറില്ലാതെ ഓടിയത് 5 കിലോമീറ്റർ   . പത്തനംതിട്ട കരിമാൻതോട്ടിൽ നിന്നും തിരുവനന്തപുരത്തേക്ക് പോയ ഫാസ്റ്റ് പാസഞ്ചർ ബസ്സിലാണ് സംഭവം. ബസ് പുനലൂർ സ്റ്റാൻഡിൽ എത്തിയപ്പോഴാണ് യാത്രക്കാരിൽ ആരോ ഡബിൾ അടിച്ചത്. ഇതോടെ ഡ്രൈവർ ബസ് എടുക്കുകയായിരുന്നു. വാഹനം കരവാളൂർ എത്തിയപ്പോഴാണ് കണ്ടക്ടർ ബസ്സിൽ ഇല്ല എന്ന് തിരിച്ചറിഞ്ഞത്. പിന്നീട് മറ്റൊരു ബസ്സിൽ കയറി കണ്ടക്ടർ പിന്നീട് കരവാളൂരിൽ എത്തുകയായിരുന്നു.