.jpg)
ഉയര്ന്ന വിലയ്ക്ക് വൈദ്യുതി വാങ്ങാനുള്ള കെഎസ്ഇബിയുടെ അപേക്ഷ പരിഗണിക്കുന്നത് വൈദ്യുതി റെഗുലേറ്ററി കമ്മീഷന് മാറ്റി വെച്ചു
വൈദ്യുതി പ്രതിസന്ധി നേരിടാന് കെഎസ്ഇബി സ്വീകരിക്കുന്ന നടപടികള് ശരിയാകുന്നില്ലെന്ന് കമ്മീഷന്.
ഉയര്ന്ന വിലയ്ക്ക് വൈദ്യുതി വാങ്ങാനുള്ള കെഎസ്ഇബിയുടെ അപേക്ഷ പരിഗണിക്കുന്നത് വൈദ്യുതി റെഗുലേറ്ററി കമ്മീഷന് മാറ്റി വെച്ചു. കൂടുതല് വിവരങ്ങള് ഹാജരാക്കാന് കമ്മീഷന് ആവശ്യപ്പെട്ടു. അപേക്ഷ തിങ്കളാഴ്ച പരിഗണിക്കും. വൈദ്യുതി പ്രതിസന്ധിയില് കെഎസ്ഇബിയെ കമ്മീഷന് കുറ്റപ്പെടുത്തി. വൈദ്യുതി പ്രതിസന്ധി നേരിടാന് കെഎസ്ഇബി സ്വീകരിക്കുന്ന നടപടികള് ശരിയാകുന്നില്ലെന്ന് കമ്മീഷന്.
സംസ്ഥാനത്ത് വീണ്ടും വൈദ്യുതി നിയന്ത്രണം പ്രഖ്യാപിച്ചിരുന്നു. ജൂണ് 30 വരെയാണ് നിയന്ത്രണം ഏര്പ്പെടുത്തിയിരിക്കുന്നത്. വൈകിട്ട് 6 മുതല് 12 വരെ മിതമായ നിയന്ത്രണം ഏര്പ്പെടുത്തുമെന്ന് കെഎസ്ഇബി അറിയിച്ചു. എല്നിനോ കാരണം വൈദ്യുതി ലഭ്യതയില് വലിയ കുറവാണ് ഉണ്ടായത്. 900 മെഗാവാട്ടിന്റെ കുറവാണ് രേഖപ്പെടുത്തിയിട്ടുള്ളത്. പവര് എക്സ്ചേഞ്ചില് നിന്ന് കിട്ടുന്ന വൈദ്യുതിയിലും കുറവ് രേഖപ്പെടുത്തി.
