.jpg)
ദീര്ഘകാല വൈദ്യുതി കരാര് ഒപ്പിട്ട് കെഎസ്ഇബി; രാത്രികാലങ്ങളില് 300 മെഗാവാട്ട് വൈദ്യുതി ലഭിക്കും
യൂണിറ്റിന് ആറ് രൂപ നിരക്കിലാവും വൈദ്യുതി ലഭിക്കുക. 2028 മാര്ച്ച് മുതലാവും വൈദ്യുതി ലഭിച്ച് തുടങ്ങുക. 25 വര്ഷത്തേക്കാണ് കരാര്.
ദീര്ഘകാല വൈദ്യുതി കരാര് ഒപ്പിട്ട് കെഎസ്ഇബി. സോളാര് എനര്ജി കോര്പ്പറേഷന് ഓഫ് ഇന്ത്യയുമായിട്ടാണ് കരാര് ഒപ്പിട്ടത്. ഇതോടെ രാത്രികാലങ്ങളില് 300 മെഗാവാട്ട് വൈദ്യുതി ലഭിക്കും. യൂണിറ്റിന് ആറ് രൂപ നിരക്കിലാവും വൈദ്യുതി ലഭിക്കുക. 2028 മാര്ച്ച് മുതലാവും വൈദ്യുതി ലഭിച്ച് തുടങ്ങുക. 25 വര്ഷത്തേക്കാണ് കരാര്.
സംസ്ഥാനത്തെ വേനല്ക്കാല രാത്രികളിലെ വൈദ്യുതി പ്രതിസന്ധിക്ക് ശാശ്വത പരിഹാരം കാണാന് ഈ നീക്കം വഴി സാധിക്കുമെന്നാണ് ബോര്ഡിന്റെ വിലയിരുത്തല്.
അതേസമയം, ദീര്ഘകാല വൈദ്യുതി വാങ്ങല് കരാറുകള്ക്ക് അനുമതി നിഷേധിച്ചതിന് എതിരായ ഹര്ജി അടിയന്തരമായി കേള്ക്കണമെന്ന് ആവശ്യപ്പെട്ട് കേരളം കഴിഞ്ഞ ദിവസം സുപ്രീം കോടതിയെ സമീപിച്ചിരുന്നു. സംസ്ഥാനത്ത് വൈദ്യുതി പ്രതിസന്ധി രൂക്ഷമാണെന്നും അതിനാല് ഹര്ജി അടിയന്തരമായി കേള്ക്കണമെന്നും ആവശ്യപ്പെട്ട് സംസ്ഥാന സര്ക്കാര് സുപ്രീം കോടതിയില് അപേക്ഷ നല്കി. കരാര് റദ്ദാക്കലിലൂടെ കേരളത്തിന് വലിയ നഷ്ടമുണ്ടാകുന്നുവെന്ന് സര്ക്കാര് നല്കിയ അപേക്ഷയില് ചൂണ്ടിക്കാട്ടുന്നുണ്ട്. ഇതുവരെ 12,570 കോടി രൂപയുടെ നഷ്ടമെന്നാണ് കേരളം ചൂണ്ടിക്കാട്ടിയത്.
