.jpg)
വൈദ്യുതി ചോര്ച്ചയും അപകടവും ഒഴിവാക്കുന്നതിനുള്ള നിര്ദേശവുമായി കെഎസ്ഇബി
വൈദ്യുതി അപകടങ്ങള് നാള്ക്കുനാള് വര്ദ്ധിച്ചു വരുന്ന സാഹചര്യത്തില് ആർസിസിബി വയറിംഗിന്റെ തുടക്കത്തില് തന്നെ സ്ഥാപിക്കേണ്ടത് അനിവാര്യമാണ്
വൈദ്യുതി ചോര്ച്ചയും അപകടവും ഒഴിവാക്കുന്നതിനുള്ള നിര്ദേശങ്ങളുമായി കെഎസ്ഇബി. വൈദ്യുത ഉപകരണങ്ങളുടെ ലോഹഭാഗങ്ങളില് ഇൻസുലേഷൻ തകരാറുകൊണ്ടോ മറ്റോ അവിചാരിതമായി വൈദ്യുതപ്രവാഹമുണ്ടായാല് ആ ഉപകരണം പ്രവർത്തിപ്പിക്കുന്ന വ്യക്തിക്ക് വൈദ്യുതാഘാതമേല്ക്കാൻ വലിയ സാധ്യതയുണ്ട്.ഇത്തരം സന്ദർഭങ്ങളില് പ്രസ്തുത ഉപകരണത്തിലേക്കും സർക്യൂട്ടിലേക്കുമുള്ള വൈദ്യുതി പ്രവാഹം ഉടനടി നിർത്തി വൈദ്യുതാഘാതം ഒഴിവാക്കുന്നതിനുള്ള സംരക്ഷണോപാധിയാണ് ആര്സിസിബി
tRootC1469263">പൊതുവെ ഇഎല്സിബി എന്നറിയപ്പെടുന്നത് യഥാർഥത്തില് ആർസിസിബി എന്ന ഉപകരണമാണ്. ഇഎല്സിബി എന്ന വോള്ട്ടേജ് ഓപ്പറേറ്റഡ് ഉപകരണം ഇപ്പോള് പ്രചാരത്തിലില്ല. ഒരു വൈദ്യുത സർക്യൂട്ടില് സ്ഥാപിച്ചിരിക്കുന്ന ആർസിസിബി ഫെയ്സിലൂടെയും, ന്യൂട്രലിലൂടെയും വരുന്നതും പോകുന്നതുമായ വൈദ്യുത പ്രവാഹം ഒരുപോലെയാണോ എന്ന് സദാ സമയവും നിരീക്ഷിച്ചു കൊണ്ടിരിക്കുന്നു. ഇതില് റിംഗ് രൂപത്തിലുള്ള കോറിലായി മൂന്ന് കോയിലുകള് ചുറ്റിയിരിക്കുന്നു.
ഒരു കോയില് ഫേസ് ലൈനിന് ശ്രേണിയായും അടുത്തത് ന്യൂട്രല് ലൈനിന് ശ്രേണിയായും, മൂന്നാമത്തെ കോയില് ട്രിപ്പിംഗ് മെക്കാനിസവുമായും ബന്ധിപ്പിച്ചിരിക്കുന്നു. ഫേസ് കോയിലും ന്യൂട്രല് കോയിലും വിപരീതദിശകളില് ചുറ്റിയതിനാല്, സാധാരണഗതിയില് (ലീക്കേജില്ലെങ്കില് ഫേസ് കറണ്ടും ന്യൂട്രല് കറണ്ടും തുല്ല്യമായിരിക്കും) ഇരുകോയിലുകളും സൃഷ്ടിക്കുന്ന കാന്തികമണ്ഡലങ്ങള് പരസ്പരം നിർവീര്യമാക്കപ്പെടുന്നു. പരിണിത കാന്തികമണ്ഡലം പൂജ്യമായതിനാല് റിലേ പ്രവർത്തിക്കുന്നില്ല.
സർക്ക്യൂട്ടില് എവിടെയെങ്കിലും കറണ്ട് ലീക്കേജ് ഉണ്ടായാല്, ന്യൂട്രല് കറണ്ടില് വ്യത്യാസം ഉണ്ടാവുകയും പരിണിത കാന്തികമണ്ഡലം വർദ്ധിക്കുകയും ചെയ്യുന്നു. തത്ഫലമായി റിലേ കോയിലില് ഒരു പൊട്ടൻഷ്യല് വ്യതിയാനം അനുഭവപ്പെടുകയും കോയില് ഉത്തേജിപ്പിക്കപ്പെട്ട് ട്രിപ്പിംഗ് മെക്കാനിസം പ്രവർത്തിച്ച് വൈദ്യുതബന്ധം വിച്ഛേദിക്കപ്പെടുകയും ചെയ്യുന്നു. Residual Magnetic Flux-നാല് ട്രിപ്പിംഗ് മെക്കാനിസം പ്രവർത്തിക്കുന്നതുകൊണ്ടാണ് ഇതിനെ എന്ന് വിളിക്കുന്നത്.
വൈദ്യുതി അപകടങ്ങള് നാള്ക്കുനാള് വര്ദ്ധിച്ചു വരുന്ന സാഹചര്യത്തില് ആർസിസിബി വയറിംഗിന്റെ തുടക്കത്തില് തന്നെ സ്ഥാപിക്കേണ്ടത് അനിവാര്യമാണ്. മികച്ച സുരക്ഷിതത്വത്തിനായി എനർജി മീറ്റർ - കട്ടൗട്ട് ഫ്യൂസ് - ആർസിസിബി വഴി മെയിൻ സ്വിച്ചിലൂടെ ഡി ബിയിലേക്ക് പ്രധാന വയർ പോകുന്ന തരത്തില് വേണം വയറിംഗ് ചെയ്യാൻ. 30എംഎ റേറ്റിംഗുള്ള ആർസിസിബി ആണ് വീടുകളില് ഉപയോഗിക്കേണ്ടതെന്നും ഓർക്കുക. ആർസിസിബി യുടെ ടെസ്റ്റ് ബട്ടണ് മാസത്തിലൊരിക്കല് അമർത്തി, ഉപകരണം നന്നായി പ്രവർത്തിക്കുന്നു എന്ന് ഉറപ്പുവരുത്തേണ്ടതുമുണ്ടെന്നും കെഎസ്ഇബി നിര്ദേശിച്ചു.