.jpg)
ചികിത്സ കിട്ടാതെ കെഎസ്ഇബി ജീവനക്കാരൻ മരിച്ചെന്ന പരാതി; കേസെടുത്ത് പൊലീസ്
ജോലി ചെയ്യുന്നതിനിടെ കുഴഞ്ഞുവീണ സന്തോഷിനെ ഉടൻ തന്നെ പാറശ്ശാലയിലെ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല.
പാറശാല: പാറശാല താലൂക്ക് ആശുപത്രിയില് കെഎസ്ഇബി താല്ക്കാലിക ജീവനക്കാരന് ചികിത്സ കിട്ടാതെ മരിച്ചെന്ന പരാതിയില് കേസെടുത്ത് പൊലീസ്.ഇന്നലെ വൈകുന്നേരമാണ് അമ്പൂരി സ്വദേശിയായ സന്തോഷ് കുമാര് (38) മരിച്ചത്.ജോലി ചെയ്യുന്നതിനിടെ കുഴഞ്ഞുവീണ സന്തോഷിനെ ഉടൻ തന്നെ പാറശ്ശാലയിലെ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല.
അടിയന്തര ചികിത്സ നല്കിയില്ലെന്നും ഓക്സിജന് സിലിണ്ടര് പ്രവര്ത്തിപ്പിക്കാന് ആശുപത്രി ജീവനക്കാര്ക്ക് അറിയില്ലായിരുന്നുവെന്നും സഹപ്രവര്ത്തകര് നല്കിയ പരാതിയില് പറയുന്നു.
പ്രാഥമിക ചികിത്സ നല്കിയില്ലെന്നും ആശുപത്രിയില് എത്തുന്നത് വരെ സന്തോഷ് ജീവനോടെ ഉണ്ടായിരുന്നുവെന്നും സുഹൃത്തുക്കള് പറഞ്ഞു. നടപടി സ്വീകരിക്കണമെന്ന് ആവശ്യപ്പെട്ട് കഴിഞ്ഞ ദിവസം തന്നെ ആശുപത്രിയില് സുഹൃത്തുക്കള് പ്രതിഷേധം സംഘടിപ്പിച്ചിരുന്നു. നിലവില് സന്തോഷിന്റെ മൃതദേഹം ആശുപത്രി മോര്ച്ചറിയിലാണ്. പോസ്റ്റ്മോര്ട്ടത്തിന് ശേഷമേ മരണകാരണം വ്യക്തമാകുകയുള്ളു
