കോട്ടപ്പുറംപുഴയിൽ വഞ്ചി മുങ്ങി ; രണ്ട് മണൽവാരൽ തൊഴിലാളികളെ കാണാതായി;

കൊടുങ്ങല്ലൂർ: കോട്ടപ്പുറം പുഴയിൽ വഞ്ചി മുങ്ങി രണ്ട് മണൽ വാരൽ തൊഴിലാളികളെ കാണാതായി. മേത്തല പടന്ന പാലക്കപറമ്പിൽ സന്തോഷ് (38), എറിയാട് മഞ്ഞളിപ്പള്ളി ഓട്ടറാട്ട് പ്രദീപ് (55) എന്നിവരെയാണ് കാണാതായത്.രണ്ടുപേർ നീന്തി രക്ഷപ്പെട്ടു

ശനിയാഴ്ച പുലർച്ചെ 2.30-ന് കോട്ടപ്പുറം കോട്ടയ്ക്ക് സമീപം കായൽ കടവിൽ ആയിരുന്നു അപകടം. രാത്രി 12-ന് മണൽ വാരുന്നതിന് പുഴയിൽ പുത്തൻവേലിക്കര ഭാഗത്തേക്ക് പോയ തൊഴിലാളികൾ മണൽ വാരി തിരികെ വരുമ്പോൾ കനത്ത കാറ്റിൽ വഞ്ചി മുങ്ങുകയായിരുന്നു.