.jpg)
അന്വര് സുല്ഫിക്കറിനെതിരെ നടപടി വേണമെന്ന് കൊടിക്കുന്നില് സുരേഷ് എംപി
കോണ്ഗ്രസ് വിജയത്തിന്റെ ശോഭ കെടുത്താന് ശ്രമിക്കുകയാണെന്നും വിമര്ശനത്തിന് പിന്നിലെ ഗൂഢാലോചന പരിശോധിക്കണമെന്നും അദ്ദേഹം വ്യക്തമാക്കി.
കൊട്ടാരക്കരയിലെ യുഡിഎഫ് പരാജയത്തിന് പിന്നാലെ രൂക്ഷ വിമര്ശനം ഉന്നയിച്ച കെഎസ്യു കൊല്ലം ജില്ലാ പ്രസിഡന്റ് അന്വര് സുല്ഫിക്കറിനെതിരെ കൊടിക്കുന്നില് സുരേഷ് എംപി രംഗത്ത്. അന്വര് സുല്ഫിക്കറിനെതിരെ നടപടി വേണമെന്നും ലോക്സഭ തെരഞ്ഞെടുപ്പില് തന്നെ പരാജയപ്പെടുത്താന് ശ്രമിച്ച ആളാണിതെന്നും അദ്ദേഹം പറഞ്ഞു. നേതാക്കള് ശക്തമായ നടപടി സ്വീകരിക്കണം. കോണ്ഗ്രസ് വിജയത്തിന്റെ ശോഭ കെടുത്താന് ശ്രമിക്കുകയാണെന്നും വിമര്ശനത്തിന് പിന്നിലെ ഗൂഢാലോചന പരിശോധിക്കണമെന്നും അദ്ദേഹം വ്യക്തമാക്കി.
tRootC1469263">യുഡിഎഫ് തരംഗം കൊട്ടാരക്കരയില് പ്രതിഫലിക്കാതെ പോയതിന് പിന്നാലെയാണ് കൊടിക്കുന്നില് സുരേഷിനെ ഉന്നംവെച്ച് കെഎസ്യു കൊല്ലം ജില്ലാ പ്രസിഡന്റ് അന്വര് സുല്ഫികര് രംഗത്തെത്തിയത്. കൊല്ലം ജില്ലയില് കൊട്ടാരക്കര ഒഴികെ എല്ലായിടത്തും യുഡിഎഫിന് വലിയ മേല്ക്കൈയാണെന്നും കൊട്ടാരക്കര നിയോജക മണ്ഡലത്തില് യുഡിഎഫിന് തകര്ച്ച സമ്പൂര്ണമാണെന്നും അദ്ദേഹം പറഞ്ഞു. അതിനുള്ള കാരണം ആലോചിച്ച് തല പുകയ്ക്കാന് നില്ക്കേണ്ടെന്നും ജനങ്ങള്ക്ക് വേണ്ടാത്ത ഒരു ദേശീയ നേതാവും പാര്ട്ടിയെ നശിപ്പിക്കുന്ന ദേശീയ നേതാവിന്റെ ശിങ്കിടികളുമാണെന്നും അദ്ദേഹം പ്രതികരിച്ചു. ഫേസ്ബുക്ക് പോസ്റ്റിലൂടെയായിരുന്നു അന്വര് സുള്ഫിക്കര് പ്രതികരിച്ചത്.
