.jpg)
സംസ്ഥാനത്ത് ഇടവേളക്ക് ശേഷം വീണ്ടും മഴ വരുന്നു
Jun 8, 2025, 18:00 IST
കോഴിക്കോട്: ഏതാനും ദിവസത്തെ ഇടവേളക്ക് ശേഷം സംസ്ഥാനത്ത് വീണ്ടും മഴയെത്തുന്നു. ജൂൺ 10, 11, 12 ദിവസങ്ങളിൽ വിവിധ ജില്ലകളിൽ കേന്ദ്ര കാലാവസ്ഥാ വകുപ്പ് മഞ്ഞ അലർട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്.
മഞ്ഞ അലർട്ട് പ്രഖ്യാപിച്ച ജില്ലകൾ
ജൂൺ 10: പത്തനംതിട്ട, ആലപ്പുഴ, കോട്ടയം, എറണാകുളം
ജൂൺ 11: ആലപ്പുഴ, എറണാകുളം, തൃശൂർ, മലപ്പുറം, കോഴിക്കോട്
ജൂൺ 12: ആലപ്പുഴ, എറണാകുളം, തൃശൂർ, മലപ്പുറം, കോഴിക്കോട്, വയനാട്, കണ്ണൂർ, കാസർകോട്
കാലവർഷത്തിന് മുന്നോടിയായി സംസ്ഥാനത്ത് ദിവസങ്ങൾ നീണ്ടുനിന്ന കനത്ത മഴ ലഭിച്ചിരുന്നു. വ്യാപക നാശനഷ്ടങ്ങളുണ്ടാവുകയും ചെയ്തിരുന്നു. അതേസമയം, ജൂൺ ആരംഭിച്ചതോടെ മഴയുടെ ശക്തി കുറയുകയും ചെയ്തു. എന്നാൽ, വീണ്ടും മഴ സജീവമാകുകയാണെന്നാണ് കാലാവസ്ഥാ പ്രവചനം.
