.jpg)
കാസര്ഗോഡ് നവവധു ഭര്തൃവീട്ടില് തൂങ്ങി മരിച്ച സംഭവം; പൊലീസ് അന്വേഷണമാരംഭിച്ചു
ഏപ്രില് 26ന് ആയിരുന്നു നന്ദനയുടെ വിവാഹം
കാസര്ഗോഡ്: അരമങ്ങാനത്ത് നവവധു ഭർതൃവീട്ടില് തൂങ്ങിമരിച്ച സംഭവത്തില് മേല്പ്പറമ്ബ് പൊലീസ് അന്വേഷണം തുടങ്ങി.ഞായറാഴ്ചയാണ് 21 കാരിയായ കെ. നന്ദനയെ ഭർതൃ വീട്ടില് മരിച്ച നിലയില് കണ്ടെത്തിയത്.പെരിയ ആയംപാറ വില്ലാരംപെതിയിലെ കെ രവിയുടെയും സീനയുടെയും ഏക മകളാണ്.
tRootC1469263">ഏപ്രില് 26ന് ആയിരുന്നു നന്ദനയുടെ വിവാഹം. അരമങ്ങാനം ആലിങ്കാല്തൊട്ടിയില് വീട്ടില് രഞ്ജേഷാണ് ഭർത്താവ്. മരിക്കാൻ പോവുകയാണെന്ന് അമ്മയ്ക്ക് സന്ദേശം അയച്ച ശേഷമാണ് നന്ദന ജീവനൊടുക്കിയത്. അമ്മ ഉടനെ നന്ദനയുടെ ഭർത്താവ് രഞ്ജേഷിനെ വിളിച്ചു. രഞ്ജേഷ് ആ സമയത്ത് വീട്ടില് ഉണ്ടായിരുന്നില്ല.
വീട്ടുകാരെ വിളിച്ചപ്പോള് നന്ദനയുടെ മുറി പൂട്ടിയ നിലയിലായിരുന്നു. ഉടൻ വാതില് പൊളിച്ച് അകത്തു കയറിയെങ്കിലും അപ്പോഴേക്കും മരണം സംഭവിച്ചിരുന്നു.ഭർതൃ വീട്ടില് ഏതെങ്കിലും തരത്തിലുള്ള പീഡനം നേരിട്ടതായി നിലവില് വിവരമില്ലെന്ന് പൊലീസ് പറഞ്ഞു. വിശദമായ അന്വേഷണം നടത്തുമെന്ന് പൊലീസ് അറിയിച്ചു.