.jpg)
കണ്ണൂര് സ്കൂള് ബസ് അപകടം; യന്ത്രത്തകരാറില്ലെന്ന് എംവിഡി പ്രാഥമിക റിപ്പോര്ട്ട്
Jan 2, 2025, 07:56 IST
അപകടകാരണം ഡ്രൈവറുടെ അശ്രദ്ധയാണെന്നാണ് പ്രഥമിക നിഗമനം
കണ്ണൂരില് അപകടത്തില്പ്പെട്ട സ്കൂള് ബസിന് യന്ത്രത്തകരാറില്ലെന്ന് എംവിഡി പ്രാഥമിക റിപ്പോര്ട്ട്. ബ്രേക്കിനും എഞ്ചിനും തകരാറുണ്ടായിരുന്നില്ലെന്ന് മോട്ടോര് വാഹന വകുപ്പിന്റെ കണ്ടെത്തല്.
അപകടകാരണം ഡ്രൈവറുടെ അശ്രദ്ധയാണെന്നാണ് പ്രഥമിക നിഗമനം. ഫോണ് ഉപയോഗിച്ചതിനാല് ശ്രദ്ധ പാളിയതാകാന് സാധ്യതയുടെന്നും എംവിഐ ഉദ്യോഗസ്ഥന് റിയാസ് മാധ്യമങ്ങളോട് പറഞ്ഞു. അശാസ്ത്രീയമായി നിര്മിച്ച റോഡും അപകടകാരണമായെന്ന് നിഗമനം.
അപകടത്തില് മരിച്ച അഞ്ചാം ക്ലാസ് വിദ്യാര്ത്ഥിനി നേദ്യയുടെ സംസ്കാരം ഇന്ന് നടക്കും. പരിയാരം ഗവ. മെഡിക്കല് കോളേജ് ആശുപത്രിയില് പോസ്റ്റ്മോര്ട്ടത്തിന് ശേഷം നേദ്യ പഠിച്ച കുറുമാത്തൂര് ചിന്മയ യുപി സ്കൂളില് പൊതുദര്ശനമുണ്ടാകും.
