കണ്ണൂർ പാനൂരിൽ ഇൻസ്റ്റഗ്രാം വഴി പരിചയപ്പെട്ട 12 വയസുകാരിയെ പീഡിപ്പിച്ച 17 വയസുകാരനെതിരെ പോക്സോ ചുമത്തി കേസെടുത്തു

Whatsapp Group

കഴിഞ്ഞ ഡിസംബർ 29-ന് രാവിലെ പത്ത് മണിയോടെയായിരുന്നു സംഭവം. ഇൻസ്റ്റഗ്രാമിലൂടെയാണ് പ്രതി പെൺകുട്ടിയെ പരിചയപ്പെട്ടത്. തുടർന്ന് പ്രണയം നടിച്ച് പ്രലോഭിപ്പിച്ച് പാനൂരിലേക്ക് വിളിച്ചുവരുത്തുകയായിരുന്നു. പെൺകുട്ടിയുടെ പെരുമാറ്റത്തിൽ സംശയം തോന്നിയ രക്ഷിതാക്കൾ വിവരം ചോദിച്ചറിഞ്ഞതോടെയാണ് സംഭവം പുറംലോകമറിഞ്ഞത്.തുടർന്ന് രക്ഷിതാക്കൾ പൊലീസിൽ പരാതി നൽകുകയായിരുന്നു. പ്രതിക്കെതിരെ പോക്സോ നിയമപ്രകാരം കേസെടുത്ത് അന്വേഷണം ആരംഭിച്ചതായി പാനൂർ പൊലീസ് അറിയിച്ചു. ചെറിയ കുട്ടികൾ നവമാധ്യമങ്ങൾ ഉപയോഗിക്കുമ്പോൾ രക്ഷിതാക്കൾ കൂടുതൽ ജാഗ്രത പാലിക്കണമെന്ന് പൊലീസ് മുന്നറിയിപ്പ് നൽകി.