.jpg)
കള്ളാടി മണ്ണിടിച്ചില് ദുരന്തം: കാണാതായവര്ക്കായുള്ള തെരച്ചില് മൂന്നാം ദിവസം
മണ്ണിടിച്ചില് ദുരന്തത്തില് അന്വേഷണം നടത്താന് വിദഗ്ധ സമിതിയെ ഇന്ന് നിയോഗിക്കും.
വയനാട് കള്ളാടി മണ്ണിടിച്ചില് ദുരന്തത്തില് കാണാതായ അഞ്ചു പേര്ക്കായി പ്രദേശത്ത് തെരച്ചില് മൂന്നാം ദിവസം. തുരങ്കപാത നിര്മ്മാണം നടത്തുന്ന കരാര് കമ്പനി ദിലീപ് ബില്ഡ് കോണിന്റെ അഞ്ച് ഇതരസംസ്ഥാന തൊഴിലാളികളെയാണ് കാണാതായത്. മഴയും പ്രതികൂല കാലാവസ്ഥയും രക്ഷാപ്രവര്ത്തനത്തിന് വെല്ലുവിളിയാണ്. നാലു സോണുകളായി തിരിഞ്ഞാണ് തെരച്ചില് നടക്കുക. ഇതിനിടെ, പ്രതിപക്ഷ നേതാവ് പിണറായി വിജയനും സിപിഎം സംസ്ഥാന സെക്രട്ടറി എംവി ഗോവിന്ദനും ഇന്ന് ദുരന്തബാധിത പ്രദേശം സന്ദര്ശിക്കും.
മണ്ണിടിച്ചില് ദുരന്തത്തില് അന്വേഷണം നടത്താന് വിദഗ്ധ സമിതിയെ ഇന്ന് നിയോഗിക്കും. രണ്ട് അന്വേഷണമാണ് സര്ക്കാര് പ്രഖ്യാപിച്ചത്. തുരങ്ക നിര്മ്മാണത്തിന് പാരിസ്ഥിതിക അനുമതി ലഭിച്ചത് എങ്ങനെ? തുരങ്കപാത നിര്മാണത്തിനായി കേന്ദ്ര സര്ക്കാര് നല്കിയ പാരിസ്ഥിതി അനുമതിയിലെ കര്ശന വ്യവസ്ഥകള് കമ്പനി പാലിച്ചിട്ടുണ്ടോ? ഇവ രണ്ടും പരിശോധിക്കുന്നതിനായാണ് വിദഗ്ധ സമിതി രൂപീകരിക്കുന്നത്. അന്വേഷണം പൂര്ത്തിയാകുന്നതു വരെ കള്ളാടി- ആനക്കാംപൊയില് തുരങ്കപാതാ നിര്മാണം ഇരുവശങ്ങളിലും താത്ക്കാലികമായി നിര്ത്തിവെച്ചിട്ടുണ്ട്.
