.jpg)
പിണറായി പ്രതിപക്ഷ നേതാവാകുന്നതാണ് യുഡിഎഫിന് നല്ലതെന്ന് കെ മുരളീധരന്
പിണറായി പ്രതിപക്ഷ നേതാവാകുമ്പോള് അടുത്ത തവണ യുഡിഎഫ് തൂത്തുവാരും.
മുഖ്യമന്ത്രി സ്ഥാനത്തേക്ക് താന് പിന്തുണച്ചത് ആരെയെന്ന് വെളിപ്പെടുത്തി കെ മുരളീധരന്. വി ഡി സതീശനെയാണ് താന് പിന്തുണച്ചതെന്ന് അദ്ദേഹം പറഞ്ഞു. പിണറായി വിജയന് പ്രതിപക്ഷ നേതാവായതിനെ മുരളീധരന് പരിഹസിച്ചു. പിണറായി മുഖ്യമന്ത്രിയായിരുന്നപ്പോള് 102 സീറ്റ് യുഡിഎഫിന് കിട്ടി. പിണറായി പ്രതിപക്ഷ നേതാവാകുമ്പോള് അടുത്ത തവണ യുഡിഎഫ് തൂത്തുവാരും. പിണറായി പ്രതിപക്ഷ നേതാവാകുന്നതാണ് യുഡിഎഫിന് നല്ലതെന്നും അദ്ദേഹം പറഞ്ഞു.
രമേശ് ചെന്നിത്തല ക്യാബിനറ്റിലേക്ക് വരണമെന്നാണ് തന്റെ വ്യക്തിപരമായ അഭിപ്രായമെന്ന് മുരളീധരന് പറഞ്ഞു. ചെന്നിത്തലയുടെ കാര്യത്തില് തീരുമാനമെടുക്കേണ്ടത് ഹൈക്കമാന്ഡ് ആണ്. പാണക്കാട് തലയില് മുണ്ടിട്ടു പോയവരാണ് ഇപ്പോള് ആരോപണം ഉന്നയിക്കുന്നതെന്നും കെ മുരളീധരന് പറഞ്ഞു. യുഡിഎഫ് എന്തായാലും നേരിട്ട് തന്നെയാണ് പാണക്കാട് പോയിട്ടുള്ളതെന്നും അദ്ദേഹം പറഞ്ഞു.
