.jpg)
നെയ്യാറ്റിന്കര ജനറൽ ആശുപത്രിയിൽ ചികിത്സ കിട്ടാതെ രോഗി മരിച്ചെന്ന് ആരോപണം; മൃതദേഹം ഏറ്റുവാങ്ങാതെ ബന്ധുക്കൾ
Updated: Jul 10, 2026, 09:52 IST
നെഞ്ചുവേദനയാണെന്ന് അറിയിച്ചിട്ടും ക്യൂവില് നില്ക്കാന് പറഞ്ഞെന്നാണ് കുടുംബത്തിന്റെ ആരോപണം
തിരുവനന്തപുരം: നെയ്യാറ്റിന്കര ജനറൽ ആശുപത്രിയിൽ ചികിത്സ കിട്ടാതെ രോഗി മരിച്ചതായി ആരോപണം. നെഞ്ചുവേദനയെ തുടര്ന്ന് ചികിത്സയ്ക്കെത്തിയ നെയ്യാറ്റിന്കര സ്വദേശിയായ രാജേഷ് കുമാര്(52) ആണ് കുഴഞ്ഞുവീണ് മരിച്ചത്.
നെഞ്ചുവേദനയാണെന്ന് അറിയിച്ചിട്ടും ക്യൂവില് നില്ക്കാന് പറഞ്ഞെന്നാണ് കുടുംബത്തിന്റെ ആരോപണം. അരമണിക്കൂറോളം ക്യൂവില് നിന്ന ശേഷമാണ് രാജേഷ് കുമാര് കുഴഞ്ഞുവീണത്. കൃത്യസമയത്ത് ചികിത്സ ലഭിക്കാത്തതാണ് മരണകാരണമെന്നും ബന്ധുക്കൾ ആരോപിച്ചു.
അതേസമയം ആശുപത്രിയില് ചികിത്സ കിട്ടാതെ രോഗി മരിച്ചെന്ന പരാതിയില് റിപ്പോര്ട്ട് തേടി ആരോഗ്യവകുപ്പ് മന്ത്രി കെ മുരളീധരന്. അടിയന്തരമായി പ്രാഥമിക റിപ്പോര്ട്ട് നല്കാന് സൂപ്രണ്ടിന് ആരോഗ്യമന്ത്രി നിര്ദേശം നല്കി.