.jpg)
എറണാകുളത്ത് പ്ലാറ്റ്ഫോമുകളുടെ ഉയരം 50 സെ.മീ. കൂട്ടുന്നു, നിരവധി സര്വീസുകള്ക്ക് മാറ്റം
രാവിലെ 6 മണിക്ക് എറണാകുളത്തില് നിന്ന് പുറപ്പെടുന്ന കണ്ണൂർ ഇന്റർസിറ്റി ഇനി 26 വരെ 6.22-ന് ആലുവയില് നിന്നായിരിക്കും പുറപ്പെടുക.
എറണാകുളം: എറണാകുളം ജങ്ഷൻ (സൗത്ത്) റെയില്വേ സ്റ്റേഷനിലെ പ്ലാറ്റ്ഫോമുകളുടെ ഉയരം വർധിപ്പിക്കുന്ന പ്രവൃത്തികള് ആരംഭിച്ചതിനാല് 26ാം തിയതി വരെ സർവീസില് നിയന്ത്രണം.രാവിലെ 6 മണിക്ക് എറണാകുളത്തില് നിന്ന് പുറപ്പെടുന്ന കണ്ണൂർ ഇന്റർസിറ്റി ഇനി 26 വരെ 6.22-ന് ആലുവയില് നിന്നായിരിക്കും പുറപ്പെടുക.
tRootC1469263">തിരുവനന്തപുരത്ത് നിന്ന് വൈകിട്ട് 5.45-ന് പുറപ്പെടുന്ന വഞ്ചിനാട് എക്സ്പ്രസ് ഈ കാലയളവില് കോട്ടയം വരെ മാത്രമാകും സർവീസ് നടത്തുക. എറണാകുളം-പാലക്കാട് മെമു (66610) എറണാകുളത്തില് നിന്ന് ഉച്ചയ്ക്ക് 2.45-ന് പുറപ്പെടേണ്ടതായിരുന്നു.
എന്നാല് 26 വരെ ആലുവയില് നിന്നാണ് സർവീസ് ആരംഭിക്കുക. എറണാകുളം-ആലുവ ഇടയില് സർവീസ് ഉണ്ടാകില്ല. ഗുരുവായൂർ-എറണാകുളം പാസഞ്ചർ (56317) 26 വരെ ഇടപ്പള്ളിയില് സർവീസ് അവസാനിപ്പിക്കും. കൊല്ലം-എറണാകുളം മെമു തൃപ്പൂണിത്തുറ വരെ മാത്രമാകും ഓടുക. എംജിആർ ചെന്നൈ-ആലപ്പുഴ ഡെയിലി എക്സ്പ്രസ് (22639) 25 വരെ അരമണിക്കൂർ വൈകിയാണ് ഓടുക.
