ഐ എച്ച് ആര്‍ ഡി പരീക്ഷകൾ എഴുതിയവരാണോ; ഈ കാര്യം ശ്രദ്ധിക്കൂ

ഐ എച്ച് ആര്‍ ഡി 2025 ഫെബ്രുവരിയിൽ നടത്തിയ പരീക്ഷ ഫലം പ്രഖ്യാപിച്ചു. ഒന്നും രണ്ടും സെമസ്റ്റര്‍ കമ്പ്യൂട്ടര്‍ ആപ്ലിക്കേഷന്‍സ് പോസ്റ്റ് ഗ്രാജ്വേറ്റ് ഡിപ്ലോമ (പി ജി ഡി സി എ), ഡാറ്റാ എന്‍ട്രി ടെക്‌നിക്‌സ് ആന്റ് ഓഫീസ് ഓട്ടോമേഷന്‍ (ഡി ഡി റ്റി ഒ എ) ഡിപ്ലോമ, കമ്പ്യൂട്ടര്‍ ആപ്ലിക്കേഷന്‍സ് ഡിപ്ലോമ (ഡി സി എ), ലൈബ്രറി ആന്റ് ഇന്‍ഫര്‍മേഷന്‍ സയന്‍സ് (സി സി എല്‍ ഐ എസ്) സര്‍ട്ടിഫിക്കറ്റ് കോഴ്‌സ് എന്നീ കോഴ്‌സുകളുടെ പരീക്ഷാഫലമാണ് പ്രസിദ്ധീകരിച്ചത്.

പരീക്ഷാഫലവും മാര്‍ക്കിന്റെ വിശദാംശങ്ങളും അതത് പരീക്ഷാകേന്ദ്രങ്ങളില്‍ ബന്ധപ്പെട്ടാല്‍ അറിയാവുന്നതാണ്. കൂടാതെ ഐ എച്ച് ആര്‍ ഡിയുടെ വെബ്‌സൈറ്റിലും (www.ihrd.ac.in) പരീക്ഷാഫലം പ്രസിദ്ധപ്പെടുത്തിയിട്ടുണ്ട്. പുനര്‍മൂല്യനിര്‍ണയത്തിനുള്ള അപേക്ഷകള്‍ ഏപ്രില്‍ 21 വരെ അതാത് പരീക്ഷാകേന്ദ്രങ്ങളില്‍ പിഴ കൂടാതെയും ഏപ്രില്‍ വരെ 200 രൂപ ലേറ്റ് ഫീ സഹിതവും സമര്‍പ്പിക്കാം.

ജൂണ്‍ 2025-ലെ സപ്ലിമെന്ററി പരീക്ഷയ്ക്കായുള്ള പ്രത്യേകാനുമതി ആവശ്യമുള്ളവര്‍ അപേക്ഷകള്‍ ഏപ്രില്‍ 21 നു മുന്‍പായും 200 രൂപ ലേറ്റ് ഫീയോടുകൂടി ഏപ്രില്‍ 28 വരെയും അതാത് സ്ഥാപനമേധാവികള്‍ മുഖേന സമര്‍പ്പിക്കാം.