വീട്ടുവളപ്പിലെ ലഹരി ഉപയോഗം ചോദ്യം ചെയ്തതിന് വീട് കയറി ആക്രമണം ; തിരുവല്ലയിൽ ഗൃഹനാഥന് പരിക്ക്

പത്തനംതിട്ട : തിരുവല്ലയിൽ  വീട്ടുവളപ്പിലെ ലഹരി ഉപയോഗം ചോദ്യം ചെയ്ത ഗൃഹനാഥനെ വീട് കയറി ആക്രമിച്ചതായി പരാതി. പെരിങ്ങര നടുവിലെ പറമ്പില്‍ ഗംഗാധരന് (62) നാണ് പരിക്കേറ്റത്. ചൊവ്വാഴ്ച വൈകിട്ട് 4 മണിയോടെയാണ് സംഭവം. ഗംഗാധരന്റെ പുരയിടത്തിന് സമീപം മൂന്ന് യൂവാക്കള്‍ ലഹരി ഉപയോഗിച്ചു കൊണ്ടിരുന്നത് ചോദ്യം ചെയ്തതാണ് സംഭവത്തിൻ്റെ തുടക്കം. പ്രകോപിതരായ സംഘം ഗംഗാധരനെ വീട്ടിൽ കയറി ആക്രമിക്കുകയായിരുന്നു.