.jpg)
എസ്ഐ റാങ്ക് പട്ടികയിലുള്ളവര്ക്ക് ഉടന് നിയമന ഉത്തരവ് നല്കാന് ആഭ്യന്തരമന്ത്രി രമേശ് ചെന്നിത്തല
തിരുവനന്തപുരം: എസ്ഐ റാങ്ക് പട്ടികയിലുള്ളവര്ക്ക് ഉടന് നിയമന ഉത്തരവ് നല്കാന് ആഭ്യന്തരമന്ത്രി രമേശ് ചെന്നിത്തലയുടെ നിര്ദേശം. 43 പേര്ക്ക് നിയമനം നല്കാനാണ് മന്ത്രി നിര്ദേശം നല്കിയത്. പിഎസ് സി റാങ്ക് പട്ടികളുടെ കാലാവധി സര്ക്കാര് നീട്ടിയെങ്കിലും എസ്ഐ റാങ്ക് പട്ടികയ്ക്ക് ഇത് ബാധകമായിരുന്നില്ല. റാങ്ക് പട്ടിയില് ഉള്പ്പെട്ടവര് രമേശ് ചെന്നിത്തലക്ക് നല്കിയ നിവേദനത്തെ തുടര്ന്നാണ് നടപടി.കാലാവധി തീരാന് ദിവസങ്ങള് മാത്രമുള്ള സബ് ഇന്സ്പക്ടര് റാങ്ക് ലിസ്റ്റില്പ്പെടുന്ന 43 പേര്ക്ക് നിയമനം ലഭ്യമാക്കാന് ആണ് മന്ത്രി രമേശ് ചെന്നിത്തല അഡീഷണല് ചീഫ് സെക്രട്ടറിക്ക് നിര്ദേശം നല്കിയത്. 2025 ജൂണ് ഒമ്പതിനാണ് സബ് ഇന്സ്പ്ക്ടര് പരീക്ഷയുടെ റാങ്ക് ലിസ്റ്റ് പ്രസിദ്ധീകരിച്ചത്. 2026 ജൂണ് ഒമ്പതിന് ഈ ലിസ്റ്റിന്റെ കാലാവധി അവസാനിക്കുകയാണ്. ഇതോടെ ജോലി ലഭിക്കാനുള്ള അവസരം നഷ്ടപ്പെടുമെന്ന ആശങ്കയിലായിരുന്നു ഉദ്യോഗാര്ഥികള്.
യുഡിഎഫ് സര്ക്കാര് അധികാരത്തില് വന്ന് ഉടന് തന്നെയാണ് പി എസ് സി റാങ്ക് ലിസ്റ്റുകളുടെ കാലാവധി സര്ക്കാര് നീട്ടിയത്. എന്നാല് ഈ ഉത്തരവ് എസ്ഐ റാങ്ക് പട്ടികയ്ക്ക് ബാധകമല്ലായിരുന്നു. ഇതോടെയാണ് ഉദ്യോഗാര്ഥികള് ആഭ്യന്തര മന്ത്രി രമേശ് ചെന്നിത്തലയെ സമീപിച്ച് തങ്ങളുടെ അവസ്ഥ പങ്കുവെച്ചത്. ഇവര് നല്കിയ പരാതിയുടെ അടിസ്ഥാനത്തില് അടിയന്തിര നടപടിയുണ്ടാകണമെന്നും ഉദ്യോഗാര്ഥികള്ക്ക് ജോലി നഷ്ടപ്പെടുന്ന സാഹചര്യം ഉണ്ടാകരുതെന്നും രമേശ് ചെന്നിത്തല ആഭ്യന്തര വകുപ്പിന് നിര്ദേശം നല്കുകയായിരുന്നു.
