.jpg)
'ഇന്ത്യന് ജനാധിപത്യത്തിന് വധശിഷ വിധിച്ചയാളെന്ന് ഗ്യാനേഷ് കുമാറിനെ ചരിത്രം രേഖപ്പെടുത്തും', വിഡി സതീശന്
തിരഞ്ഞെടുപ്പ് കമ്മീഷന്റെ വിശ്വാസ്യതയെ ബിജെപിക്ക് കച്ചവടം നടത്തിയ ഗ്യാനേഷ് കുമാറിനെ ഇന്ത്യന് ജനാധിപത്യത്തിന് വധശിഷ വിധിച്ചയാളെന്ന് ചരിത്രം രേഖപ്പെടുത്തുമെന്നും അദ്ദേഹം വിമര്ശിച്ചു.
മുഖ്യതെരഞ്ഞെടുപ്പ് കമ്മീഷണര് ഗ്യാനേഷ് കുമാറിനെതിരെ രൂക്ഷവിമര്ശനവുമായി മുഖ്യമന്ത്രി വിഡി സതീശന്. ഗ്യാനേഷ് കുമാറിനെതിരെയുള്ള മുന് കേരള ചീഫ് സെക്രട്ടറി ജിജി തോംസന്റെ വെളിപ്പെടുത്തല് അതീവ ഗൗരവമുള്ളതാണെന്ന് മുഖ്യമന്ത്രി വിഡി സതീശന് പറഞ്ഞു. തിരഞ്ഞെടുപ്പ് കമ്മീഷന്റെ വിശ്വാസ്യതയെ ബിജെപിക്ക് കച്ചവടം നടത്തിയ ഗ്യാനേഷ് കുമാറിനെ ഇന്ത്യന് ജനാധിപത്യത്തിന് വധശിഷ വിധിച്ചയാളെന്ന് ചരിത്രം രേഖപ്പെടുത്തുമെന്നും അദ്ദേഹം വിമര്ശിച്ചു. ഇന്ത്യന് ജനാധിപത്യത്തിന് വധശിക്ഷ വിധിച്ച ഗ്യാനേഷ് കുമാറിന് സ്ഥാനത്ത് തുടരാന് അര്ഹതയില്ല എന്ന് എഴുതിയ പോസ്റ്റര് പങ്കുവെച്ച് ഫെയ്സ്ബുക്ക് പേജില് എഴുതിയ കുറിപ്പിലൂടെയായിരുന്നു മുഖ്യമന്ത്രിയുടെ വിമര്ശനം.
ഫെയ്സ്ബുക്ക് പോസ്റ്റിന്റെ പൂര്ണരൂപം
മുഖ്യ തെരഞ്ഞെടുപ്പ് കമ്മീഷണര് ഗ്യാനേഷ് കുമാറിനെതിരെ മുന് കേരളം ചീഫ് സെക്രട്ടറി ജിജി തോംസന്റെ വെളിപ്പെടുത്തല് അതീവ ഗൗരവമുള്ളതാണ്. ഗ്യാനേഷ് കുമാര് ബി.ജെ.പി ഏജന്റായി പ്രവര്ത്തിച്ചു എന്നതിന് ഇനിയും തെളിവുകള് വേണ്ട. ജനാധിപത്യത്തെ ബിജെപിക്ക് വേണ്ടി അട്ടിമറിക്കുന്ന ഏജന്റായിരുന്നു ഗ്യാനേഷ് കുമാറെന്ന് തെളിഞ്ഞു. തിരഞ്ഞെടുപ്പ് കമ്മീഷന്റെ വിശ്വാസ്യതയെ ബി.ജെ.പിക്ക് കച്ചവടം നടത്തിയ ഗ്യാനേഷ് കുമാറിനെ ഇന്ത്യന് ജനാധിപത്യത്തിന് വധശിഷ വിധിച്ചയാളെന്ന് ചരിത്രം രേഖപ്പെടുത്തും.
രാജ്യത്തെ ഏറ്റവും ഉയര്ന്ന ഭരണഘടനാ പദവിയില് ഇരുന്ന് ജനാധിപത്യത്തെ അട്ടിമറിച്ച ഗ്യനേഷ് കുമാര് ഒരു നിമിഷം പോലും സ്ഥാനത്ത് തുടരരുത്. തിരഞ്ഞെടുപ്പ് പ്രകിയയുടെ ശുദ്ധിയെ പറ്റി ഭരണഘടന തന്നെ വ്യക്തമാക്കുന്നുണ്ട്. അങ്ങേയറ്റം സ്വതന്ത്രമായി പ്രവര്ത്തിക്കേണ്ട തിരഞ്ഞെടുപ്പ് കമ്മിഷനെ സംഘ്പരിവാറിന്റെ തൊഴുത്തില് കെട്ടിയ ക്രിമിനല് ബുദ്ധിയുള്ള ഉദ്യോഗസ്ഥനാണ് ഗ്യാനേഷ് കുമാര്. ഗ്യാനേഷ് കുമാര് സ്ഥാനത്ത് തുടരുന്നത് ഇന്ത്യന് ജനാധിപത്യത്തെ അങ്ങേയറ്റം അപകടത്തിലാക്കും.
തിരഞ്ഞെടുപ്പ് കമ്മിഷന്റെ സുതാര്യത, സത്യസന്ധത, നിഷ്പക്ഷത, ഉയര്ന്ന ജനാധിപത്യ ബോധം ഇവയെല്ലാം ഗ്യാനേഷ്കുമാര് അട്ടിമറിച്ചു. പ്രതിപക്ഷ നേതാവ് രാഹുല് ഗാന്ധി നേരത്തെ പറഞ്ഞതെല്ലാം ഇപ്പോള് സത്യമായി. ബി.ജെ.പിയുമായി പരസ്പര സഹകരണത്തില് പ്രവര്ത്തിക്കുന്ന സ്ഥാപനമാക്കി തിരഞ്ഞെടുപ്പ് കമ്മീഷനെ അധ:പതിപ്പിച്ച ഗ്യാനേഷ് കുമാര് ഇനിയും സ്ഥാനത്ത് തുടരുന്നത് ഇന്ത്യന് ജനാധിപത്യത്തെ കളങ്കപ്പെടുത്തും.