.jpg)
സംസ്ഥാനത്ത് വ്യാഴാഴ്ച മുതല് കനത്ത മഴയ്ക്ക് സാധ്യത
May 13, 2026, 08:17 IST
മണിക്കൂറില് 50 കിലോമീറ്റര് വരെ വേഗത്തിലുള്ള കാറ്റിനും സാധ്യതയുണ്ട്.
കേരളത്തില് വ്യാഴാഴ്ച മുതല് കനത്ത മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. മേയ് 14 മുതല് 16 വരെ ഒറ്റപ്പെട്ടയിടങ്ങളിലാണ് മഴയ്ക്ക് സാധ്യത. മണിക്കൂറില് 50 കിലോമീറ്റര് വരെ വേഗത്തിലുള്ള കാറ്റിനും സാധ്യതയുണ്ട്.
ഈ ആഴ്ച അവസാനത്തോടെ തെക്കന് ബംഗാള് ഉള്ക്കടലിന്റെ ചില ഭാഗങ്ങള്, ആന്ഡമാന് കടല്, ആന്ഡമാന് നിക്കോബാര് ദ്വീപുകള് എന്നിവിടങ്ങളില് തെക്കുപടിഞ്ഞാറന് കാലവര്ഷം എത്തിയേക്കുമെന്നും കാലാവസ്ഥാ വകുപ്പ് അറിയിക്കുന്നു.
അടുത്ത 48 മണിക്കൂറിനുള്ളില് ന്യൂന മര്ദ്ദം കൂടുതല് ശക്തിപ്പെടുത്താന് സാധ്യതയെന്നും കാലാവസ്ഥ വകുപ്പ് മുന്നറിയിപ്പ് നല്കി.