.jpg)
സംസ്ഥാനത്ത് കനത്ത മഴ ; 9 ജില്ലകളില് വിദ്യാഭ്യാസ സ്ഥാപനങ്ങള്ക്ക് അവധി
കാസര്കോട്, കണ്ണൂര്, കോഴിക്കോട്, വയനാട്, മലപ്പുറം, തൃശ്ശൂര്, എറണാകുളം, പത്തനംതിട്ട, കോട്ടയം എന്നീ ജില്ലകളിലെ മതപഠന സ്ഥാപനങ്ങള്ക്കും ട്യൂഷന് സെന്ററുകള്ക്കും വിവിധ പരിശീലന സ്ഥാപനങ്ങള്ക്കും ഇന്ന് അവധിയായിരിക്കും
സംസ്ഥാനത്ത് കനത്ത മഴ തുടരുന്ന സാഹചര്യത്തില് ഒന്പത് ജില്ലകളില് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ച് കളക്ടര്മാര്. കാസര്കോട്, കണ്ണൂര്, കോഴിക്കോട്, വയനാട്, മലപ്പുറം, തൃശ്ശൂര്, എറണാകുളം, പത്തനംതിട്ട, കോട്ടയം എന്നീ ജില്ലകളിലെ മതപഠന സ്ഥാപനങ്ങള്ക്കും ട്യൂഷന് സെന്ററുകള്ക്കും വിവിധ പരിശീലന സ്ഥാപനങ്ങള്ക്കും ഇന്ന് അവധിയായിരിക്കും. റസിഡന്ഷ്യല് സ്കൂളുകള് വിദ്യാര്ത്ഥികളുടെ സുരക്ഷ ഉറപ്പാക്കണം.
ഇന്ന് നടക്കേണ്ട സെറ്റ്, ഹയര് സെക്കന്ഡറി തുല്യത പരീക്ഷകള് മാറ്റി. ശ്രീനാരായണ ഗുരു ഓപ്പണ് സര്വകലാശാല പരീക്ഷയും പിന്നീട് നടക്കും. അതേസമയം, നാളത്തെ എം.ജി. സര്വകലാശാല പരീക്ഷയിലും മാറ്റമുണ്ട്. ഇടുക്കിയില് ബീറ്റ് ഫോറസ്റ്റ് ഓഫീസര് തസ്തികയിലേക്കുള്ള കായിക ക്ഷമത പരീക്ഷ ചൊവ്വ, ബുധന് തീയതികളില് നടത്താന് പിഎസ്സി നിശ്ചയിച്ചിരുന്നു. ഇത് മാറ്റി. പുതുക്കിയ തീയതി പിന്നീട് അറിയിക്കുമെന്ന് പിഎസ് സി അറിയിച്ചു.
