.jpg)
കനത്ത മഴ ; മൂന്ന് ജില്ലകളില് ഇന്ന് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു
കേന്ദ്ര കാലാവസ്ഥാ വകുപ്പ് ഈ ജില്ലകളില് അതിതീവ്ര മഴയ്ക്കുള്ള സാധ്യത പ്രവചിച്ച് റെഡ് അലര്ട്ട് പ്രഖ്യാപിച്ച സാഹചര്യത്തിലാണ് മുന്കരുതല് നടപടിയായി അവധി നല്കിയത്.
കനത്ത മഴ തുടരുന്ന പശ്ചാത്തലത്തില് സംസ്ഥാനത്തെ മൂന്ന് ജില്ലകളില് ഇന്ന് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. കോഴിക്കോട്, കണ്ണൂര്, കാസര്കോട് ജില്ലകളിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കുമാണ് ജില്ലാ കളക്ടര്മാര് അവധി പ്രഖ്യാപിച്ചിരിക്കുന്നത്.
കേന്ദ്ര കാലാവസ്ഥാ വകുപ്പ് ഈ ജില്ലകളില് അതിതീവ്ര മഴയ്ക്കുള്ള സാധ്യത പ്രവചിച്ച് റെഡ് അലര്ട്ട് പ്രഖ്യാപിച്ച സാഹചര്യത്തിലാണ് മുന്കരുതല് നടപടിയായി അവധി നല്കിയത്.
പ്രൊഫഷണല് കോളേജുകള് ഉള്പ്പെടെയുള്ള കോളേജുകള്, സ്കൂളുകള്, അങ്കണവാടികള്, മദ്രസകള് ഉള്പ്പെടെയുള്ള മതവിദ്യാഭ്യാസ സ്ഥാപനങ്ങള്, ട്യൂഷന് സെന്ററുകള്, ഐ.സി.എസ്.ഇ, സി.ബി.എസ്.ഇ സ്കൂളുകള്, കേന്ദ്രീയ വിദ്യാലയങ്ങള്ക്കും ഈ അവധി ബാധകമാണ്. മുന്കൂട്ടി നിശ്ചയിച്ച പൊതു പരീക്ഷകള്, സര്വകലാശാല (യൂണിവേഴ്സിറ്റി) പരീക്ഷകള്, പിഎസ്സി പരീക്ഷകള്, അഭിമുഖങ്ങള് എന്നിവയ്ക്ക് മാറ്റമുണ്ടായിരിക്കുന്നതല്ല. അവ നിശ്ചയിച്ച പ്രകാരം തന്നെ നടക്കും. കണ്ണൂര്, കാസര്കോട് ജില്ലകളിലെ റെസിഡന്ഷ്യല് സ്കൂളുകള്ക്ക് ഈ അവധി ബാധകമല്ല.
