.jpg)
തൃശ്ശൂര്, പാലക്കാട്, വട്ടിയൂര്ക്കാവ്, ഒരു മണ്ഡലത്തിലും മത്സരിക്കാന് താല്പ്പര്യം അറിയിച്ചിട്ടില്ല: കെ സുരേന്ദ്രന്
പാര്ട്ടി ആവശ്യപ്പെട്ട സ്ഥലങ്ങളില് മാത്രമാണ് ഇതുവരെയും മത്സരിച്ചിട്ടുള്ളതെന്നും കെ സുരേന്ദ്രന് വ്യക്തമാക്കി
നിയമസഭാ തെരഞ്ഞെടുപ്പില് മത്സരിക്കാന് താല്പര്യമുണ്ടെന്ന് ആരോടും ഈ നിമിഷം വരെ ആവശ്യപ്പെട്ടിട്ടില്ലെന്ന് ബിജെപി മുന് സംസ്ഥാന അധ്യക്ഷന് കെ സുരേന്ദ്രന്. പാര്ട്ടി ആവശ്യപ്പെട്ട സ്ഥലങ്ങളില് മാത്രമാണ് ഇതുവരെയും മത്സരിച്ചിട്ടുള്ളതെന്നും കെ സുരേന്ദ്രന് വ്യക്തമാക്കി. നിയമസഭാ തെരഞ്ഞെടുപ്പില് വട്ടിയൂര്ക്കാവില് നിന്നും മത്സരിക്കാന് കെ സുരേന്ദ്രന് താല്പര്യം അറിയിച്ചെന്ന വാര്ത്തകള്ക്കിടെയാണ് ഫേസ്ബുക്കിലൂടെയാണ് ഇക്കാര്യം വ്യക്തമാക്കിയത്.
tRootC1469263">'കഴിഞ്ഞ കുറച്ചുദിവസമായി മാധ്യമങ്ങള് നിയമസഭാ തെരഞ്ഞെടുപ്പുമായി ബന്ധപ്പെട്ട് ഒരുപാട് അഭ്യൂഹങ്ങള് പടച്ചുവിടുന്നത് ശ്രദ്ധയില്പ്പെട്ടു. ആദ്യം തൃശ്ശൂര്, പിന്നെ പാലക്കാട് ഒടുവില് വട്ടിയൂര്ക്കാവ്. ഒരു മണ്ഡലത്തിലും മല്സരിക്കാന് താല്പ്പര്യമുണ്ടെന്ന് ആരോടും ഈ നിമിഷം വരെ ആവശ്യപ്പെട്ടിട്ടില്ല. ഒരുപാട് തെരഞ്ഞെടുപ്പില് മല്സരിച്ചിട്ടുണ്ട്. കപ്പിനും ചുണ്ടിനുമിടയില് തോറ്റിട്ടുമുണ്ട്. മല്സരിച്ചതെല്ലാം പാര്ട്ടി ആവശ്യപ്പെട്ട സ്ഥലങ്ങളില്. ദയവായി എന്റെ പേര് അനാവശ്യമായി വലിച്ചിഴച്ച് ആശയക്കുഴപ്പമുണ്ടാക്കരുതെന്ന് തല്പ്പര കക്ഷികളോട് അഭ്യര്ത്ഥിക്കുന്നു..' കെ സുരേന്ദ്രന് ഫേസ്ബുക്കില് കുറിച്ചു.
