.jpg)
ആര് സുഗതന് ജയിലില് സത്യപ്രതിജ്ഞ ചെയ്യാന് ഹൈക്കോടതി അനുമതി
Updated: Jul 13, 2026, 16:12 IST
സത്യപ്രതിജ്ഞ ചെയ്യാന് അവസരം ഒരുക്കണമെന്നാവശ്യപ്പെട്ടായിരുന്നു സുഗതന് ഹൈക്കോടതിയെ സമീപിച്ചത്.
കൊച്ചി: തിരുവനന്തപുരം ബിജെപി കൗൺസിലർ ആർ സുഗതന് ജയിലിൽ സത്യപ്രതിജ്ഞ ചെയ്യാമെന്ന് ഹൈക്കോടതി. നാളെ രാവിലെ 11 മണിക്ക് വിയ്യൂർ ജയിലിൽ സത്യപ്രതിജ്ഞക്ക് സൗകര്യമൊരുക്കാനും കോടതി നിർദേശം നൽകി.
ഇന്ന് തന്നെ വിയ്യൂരിലേക്ക് പോകും. സത്യപ്രതിജ്ഞ ചെയ്യാന് അവസരം ഒരുക്കണമെന്നാവശ്യപ്പെട്ടായിരുന്നു സുഗതന് ഹൈക്കോടതിയെ സമീപിച്ചത്. ഇതിന് ഹൈക്കോടതി സര്ക്കാരിന്റെ അഭിപ്രായം തേടിയിരുന്നു. സുഗതന് ജയിലില് സത്യപ്രതിജ്ഞ ചെയ്യാമെന്ന് ആഭ്യന്തര വകുപ്പ് ഹൈക്കോടതിയെ അറിയിച്ചു.
കേസിന്റെ പേരില് വളഞ്ഞിട്ട് ആക്രമിക്കാന് ഒന്നുമില്ല. തങ്ങള്ക്ക് ഒന്നിനോടും വിയോജിപ്പില്ല. ഭരണസമിതി എല്ലാ കൗണ്സിലര്മാരെയും സംരക്ഷിക്കുമെന്നും ഭരണപരമായ കാര്യങ്ങള്ക്ക് എല്ലാവരെയും ചേര്ത്ത് നിര്ത്തുമെന്നും വി വി രാജേഷ് വ്യക്തമാക്കി.