.jpg)
വിവാഹവാഗ്ദാനം നല്കി യുവതികളെ പീഡിപ്പിച്ചു; ജിം പരിശീലകന് അറസ്റ്റില്
തൃശ്ശൂര്: വിവാഹവാഗ്ദാനം നല്കി യുവതികളെ പീഡിപ്പിച്ച ജിംനേഷ്യം പരിശീലകന് അറസ്റ്റിൽ. തൃശ്ശൂര് ചേര്പ്പ് സ്വദേശി അജ്മലാണ് അറസ്റ്റിലായത്.തൃശ്ശൂര് കൂര്ക്കഞ്ചേരിയിലെ ജിംനേഷ്യത്തിലെ പരിശീലകനാണ് അജ്മല്. രണ്ടുയുവതികളുടെ പരാതിയില് നെടുപുഴ പൊലീസാണ് ഇയാളെ അറസ്റ്റ്ചെയ്തത്. ഇയാള് വിവാഹവാഗ്ദാനം നല്കി പീഡിപ്പിച്ചെന്ന യുവതികളുടെ പരാതിയില് കേസെടുത്ത പൊലീസ് പ്രതിയെ പിടികൂടുകയായിരുന്നു.
tRootC1469263">ഒരേസമയമാണ് അജ്മല് രണ്ടുയുവതികളുമായി അടുപ്പം പുലര്ത്തിയിരുന്നത്. എന്നാല്, യുവതികള് ഇക്കാര്യം പരസ്പരം അറിഞ്ഞിരുന്നില്ല. അജ്മല് തങ്ങളെ കബളിപ്പിക്കുകയാണെന്ന് അടുത്തിടെയാണ് രണ്ടുപേരും തിരിച്ചറിഞ്ഞത്. തുടര്ന്ന് രണ്ടുപേരും പൊലീസില് പരാതി നല്കുകയായിരുന്നു. യുവതികളില് ഒരാളെ മദ്യം നല്കി പീഡിപ്പിച്ചെന്നും പരാതിയിലുണ്ട്. അജ്മലിനെതിരേ നേരത്തേ ചേര്പ്പ് പൊലീസ് സ്റ്റേഷനിലും സമാനമായ കേസുണ്ടെന്ന് പൊലീസ് പറഞ്ഞു. വിവാഹവാഗ്ദാനം നല്കി പീഡിപ്പിച്ചെന്ന കേസിലാണ് അജ്മല് നേരത്തേയും പ്രതിചേര്ക്കപ്പെട്ടിരുന്നത്.
