.jpg)
സപ്ലൈകോയ്ക്ക് സര്ക്കാര് വക 200 കോടി, ഓണവിപണി ഉഷറാകും
ഭക്ഷ്യ-സിവില് സപ്ലൈസ് വകുപ്പ് മന്ത്രി അനൂപ് ജേക്കബിന്റെ അഭ്യര്ഥനപ്രകാരം മുഖ്യമന്ത്രി വി ഡി സതീശന്റെ ഇടപെടലിനെ തുടര്ന്നാണ് നടപടി.
ഓണം അടുത്തതോടെ വിപണി വില പിടിച്ചുനിര്ത്താന് ഇടപെടലുമായി സര്ക്കാര്. ഓണവിപണി നടത്തിപ്പിനായി സപ്ലൈകോയ്ക്കു സര്ക്കാര് 200 കോടിയും എഎവൈ വിഭാഗത്തിന് (മഞ്ഞ കാര്ഡ്) ഓണക്കിറ്റിനായി 53 കോടിയും ഉള്പ്പെടെ 253 കോടി രൂപ സര്ക്കാര് അടിയന്തരമായി അനുവദിച്ചു. ഭക്ഷ്യ-സിവില് സപ്ലൈസ് വകുപ്പ് മന്ത്രി അനൂപ് ജേക്കബിന്റെ അഭ്യര്ഥനപ്രകാരം മുഖ്യമന്ത്രി വി ഡി സതീശന്റെ ഇടപെടലിനെ തുടര്ന്നാണ് നടപടി.
മുന് സര്ക്കാരുകളൊന്നും ഇത്രയും തുക ഒന്നിച്ച് അനുവദിച്ചിരുന്നില്ലെന്ന് ഭക്ഷ്യമന്ത്രി അറിയിച്ചു. പുതുക്കിയ ബജറ്റില് 315 കോടി രൂപ അനുവദിച്ചതില് 20 കോടി ആദ്യം ലഭിച്ചിരുന്നു. ചെലവഴിച്ചശേഷം കൂടുതല് തുക ആവശ്യമുണ്ടെങ്കില് സര്ക്കാരിനെ വീണ്ടും സമീപിക്കാം. സര്ക്കാരിന്റെ വിപണിയിടപെടല് കൂടുതല് കാര്യക്ഷമമാക്കാനും വിലക്കയറ്റം നിയന്ത്രിക്കാനുമുള്ള മാര്ക്കറ്റ് ഇന്റ്ര്വെന്ഷന് സ്കീമില് നിന്ന് തുക അനുവദിക്കണമെന്നു ഭക്ഷ്യമന്ത്രി അഭ്യര്ഥിച്ചിരുന്നു.
