.jpg)
ചെറുവള്ളി എസ്റ്റേറ്റില് സര്ക്കാരിന് ഉടമാവകാശമില്ല ...! ശബരിമല വിമാനത്താവള പദ്ധതിയില് സര്ക്കാരിന് കനത്ത തിരിച്ചടി
കോട്ടയം: നിർദ്ദിഷ്ട ശബരിമല വിമാനത്താവളത്തിന്റെ ഭൂമിയായി കണ്ടെത്തിയ ചെറുവള്ളി എസ്റ്റേറ്റിന്റെ ഉടമാവകാശത്തിൽ സര്ക്കാരിന് അവകാശമില്ലെന്ന് പാലാ സബ്കോടതി.സര്ക്കാര് ഹര്ജി തള്ളിയ കോടതി ഭൂമിയുടെ ഉടമസ്ഥാവകാശം അയന ചാരിറ്റബിള് ട്രസ്റ്റിനാണെന്നു വ്യക്തമാക്കി. ഇപ്പോള് അയന ചാരിറ്റബിള് ട്രസ്റ്റ് കൈവശം വെച്ചിരിക്കുന്ന 2570 ഏക്കര് ഭൂമി പാട്ടക്കാലാവധി കഴിഞ്ഞതാണെന്നും ഇത് സര്ക്കാരില് നിഷിപ്തമാകുമെന്നും കാണിച്ച് കോട്ടയം കലക്ടറാണ് കോടതിയെ സമീപിച്ചത്. ഭൂമി സര്ക്കാരിന്റേതല്ലെന്ന കോടതി വിധി വന്നതോടെ വിമാനത്താവളത്തിനായി ഉടമകള്ക്ക് പണം നല്കിയേ ഭൂമി എടുക്കാനാവൂ.
tRootC1469263">2018ല് രാജമാണിക്യം കമ്മിറ്റി, ചെറുവള്ളി അടക്കമുള്ള എസ്റ്റേറ്റുകളുടെ പാട്ടക്കാലാവധി തീര്ന്നതാണെന്നും സര്ക്കാര് ഏറ്റെടുക്കണമെന്നും ശുപാര്ശ നല്കിയിരുന്നു. സര്ക്കാര് ഏറ്റെടുക്കല് വിജ്ഞാപനവും നടത്തി. എന്നാല് ഭൂമിയുടെ മുന് ഉടമകളായ ഹാരിസണ് മലയാളം ഹൈക്കോടതിയെ സമീപിച്ചു. ഭൂമി ഏറ്റെടുക്കല് കോടതി റദ്ദാക്കി. ഭൂമി ഏറ്റെടുക്കാന് സിവില് കോടതിയെ സമീപിക്കാനാണ് നിര്ദേശിച്ചത്. പിന്നീട് സുപ്രീംകോടതിയും സമാനനിരീക്ഷണം നടത്തി. ഇതോടെയാണ് സര്ക്കാര് പാലാ കോടതിയില് ഹര്ജി നല്കിയത്.
