.jpg)
ചൂടും ഉഷ്ണ തരംഗ സാധ്യതയും; അങ്കണവാടികള്ക്ക് ഒരാഴ്ച അവധി പ്രഖ്യാപിച്ച് സര്ക്കാര്
തിരുവനന്തപുരം: അന്തരീക്ഷ താപനില ഉയരുന്ന സാഹചര്യത്തില് സംസ്ഥാനത്തെ അങ്കണവാടികളിലെ പ്രീ സ്കൂള് പ്രവര്ത്തനം ഒരാഴ്ചത്തേയ്ക്ക് നിര്ത്തിവയ്ക്കാന് വനിത ശിശുവികസന വകുപ്പ് തീരുമാനിച്ചു. കഠിനമായ ചൂടിന്റെ പശ്ചാത്തലത്തില് ഡിസാസ്റ്റര് മാനേജ്മെന്റ് അതോറിറ്റിയുടെ സുരക്ഷാ മുന്നറിയിപ്പിനെത്തുടര്ന്നും ആരോഗ്യ വകുപ്പിന്റെ ജാഗ്രതാ നിര്ദേശത്തെത്തുടര്ന്നുമാണ് നടപടി.അങ്കണവാടികളുടെ മറ്റ് പ്രവര്ത്തനങ്ങള് പതിവ് പോലെ നടക്കും..ഈ കാലയളവിൽ കുട്ടികൾക്ക് നൽകേണ്ട സപ്ലിമെന്ററി ന്യൂട്രീഷ്യൻ വീടുകളിലെത്തിക്കുമെന്നുമാണ് ലഭിക്കുന്ന വിവരം.
അതേസമയം കുഞ്ഞുങ്ങളെ അങ്കണവാടിയില് വരാന് നിര്ബന്ധിക്കരുതെന്ന് സംസ്ഥാന ബാലാവകാശ കമ്മീഷന് നിർദ്ദേശം നൽകിയിരുന്നു. അങ്കണവാടിയിലെത്തുന്ന കുട്ടികള്ക്ക് ഇടയ്ക്ക് വെള്ളം നല്കണമെന്നും തീരുമാനങ്ങള് പതിനഞ്ചുദിവസത്തിനുള്ളില് നടപ്പിലാക്കി വിവരം അറിയിക്കണമെന്നും വനിത ശിശുവികസനവകുപ്പ് ഡയറക്ടര്ക്കും തദ്ദേശ സ്വയം ഭരണപ്രിന്സിപ്പല്ക്കും ബാലവകാശ കമ്മീഷന് നിര്ദേശം നല്കി.ഷീറ്റ് ഉപയോഗിച്ച് മേല്ക്കൂര നിര്മിച്ചിട്ടുള്ളതും വായു സഞ്ചാരം ഇല്ലാത്തതുമായ അങ്കണവാടികള് തുറന്നുപ്രവര്ത്തിക്കരുതെന്നും നിര്ദേശമുണ്ട്. അഡ്വ. എ സുരേഷ് കുമാറിന്റെ പരാതിയിലാണ് ബാലാവകാശ കമ്മീഷന്റെ ഉത്തരവ്.
