.jpg)
കൂടിയും കുറഞ്ഞും സ്വർണ്ണവില; 600 രൂപ വര്ധിച്ചു, 1,15,000ന് മുകളില്
May 19, 2026, 12:20 IST
കൊച്ചി: സംസ്ഥാനത്ത് സ്വര്ണവില ഉയര്ന്ന് വീണ്ടും 1,15,000ന് മുകളില് എത്തി. പവന് ഒറ്റയടിക്ക് 600 രൂപയാണ് വര്ധിച്ചത്. 1,15,160 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 75 രൂപയാണ് വര്ധിച്ചത്. 14,395 രൂപയാണ് ഒരു ഗ്രാം സ്വര്ണത്തിന്റെ വില.
ആഗോള വിപണിയില് എണ്ണവില താഴ്ന്നതാണ് സ്വര്ണവിലയെ സ്വാധീനിച്ചത്. നിലവില് ഇന്ത്യ മുഖ്യമായി ആശ്രയിക്കുന്ന ബ്രെന്ഡ് ക്രൂഡിന്റെ വില ബാരലിന് 110 ഡോളറായാണ് താഴ്ന്നത്. പശ്ചിമേഷ്യന് സംഘര്ഷം വീണ്ടും മൂര്ച്ഛിക്കുമെന്ന സൂചന നല്കി അമേരിക്കന് പ്രസിഡന്റ് ഡോണള്ഡ് ട്രംപിന്റെ പ്രസ്താവനയെ തുടര്ന്ന് കഴിഞ്ഞ ദിവസം എണ്ണവില 110 ഡോളര് കടന്ന് കുതിച്ചിരുന്നു.
