.jpg)
'പൈതലാം യേശുവേ' ഗാനത്തിന്റെ ശില്പി ഫാ. ജെസ്റ്റിന് പനക്കല് അന്തരിച്ചു
കൊച്ചി: ക്രിസ്തീയ ഭക്തിഗാനരംഗത്ത് ഹിറ്റ് ഗാനങ്ങള്ക്ക് ഈണമൊരുക്കിയ ഫാ. ഡോ. ജെസ്റ്റിന് പനക്കല് (90) അന്തരിച്ചു. ഒസിഡി സന്യാസസമൂഹാംഗമാണ് കുമ്പളങ്ങി സ്വദേശിയായ ഫാ. ഡോ. ജെസ്റ്റിന് പനക്കല്. ക്രിസ്തീയ ഭക്തിഗാന ശാഖയിലെ നിരവധി അനശ്വരഗാനങ്ങളുടെ സംഗീത സംവിധായകനാണ് ഡോ. ജെസ്റ്റിന് പനക്കല്. ദീര്ഘകാലമായി വിശ്രമജീവിതം നയിക്കുകയായിരുന്നു.
മഞ്ഞുപൊതിയുന്ന മാമരം കോച്ചുന്ന, സ്നേഹസ്വരൂപാ തവദര്ശനം, ദൈവം നിരുപമസ്നേഹം, എന് ജീവിതമാം ഈ മരക്കൊമ്പില് തുടങ്ങിയ ശ്രദ്ധേയഗാനങ്ങള്ക്ക് ഈണമിട്ടതും ഫാ. ഡോ. ജെസ്റ്റിന് പനക്കല് ആണ്. കെ.എസ്. ചിത്രയുടെ സംഗീതജീവിതത്തില് വഴിത്തിരിവായ ഗാനമാണ് 'പൈതലാം യേശുവേ' ഈ പട്ടികയില് ഏറെ പ്രധാനമാണ്. ഈണമിട്ട 29 പാട്ടുകളില് 25 എണ്ണനും യേശുദാസ് ആണ് ആലപിച്ചിരിക്കുന്നത്. തരംഗിണിയുടെ ഹിറ്റുകളായ സ്നേഹസന്ദേശം, തളിര്മാല്യം തുടങ്ങിയ ആല്ബങ്ങളിലും പനയ്ക്കലച്ചന്റെ പാട്ടുകളുണ്ടായിരുന്നു.
കുമ്പളങ്ങി സ്വദേശിയായ പനക്കല് ജോബിന്റെ മകനാണു ഫാ. ജെസ്റ്റിന്. 1952 ല് കര്മലീത്ത നിഷ്പാദുക സഭയില് അംഗമായ അദ്ദേഹം 1962 ല് തിരുപ്പട്ടം സ്വീകരിച്ചു. റോമില്നിന്നു ദൈവശാസ്ത്രത്തില് ബിരുദാനന്തരബിരുദവും ഡോക്ടറേറ്റും പൂര്ത്തിയാക്കിയ ശേഷം 1969 മുതല് മംഗലപ്പുഴ പൊന്തിഫിക്കല് സെമിനാരിയില് പ്രഫസറായി സേവനം ചെയ്തു. ഫാ. ജെസ്റ്റിന് പനക്കലിന്റെ മൃതദേഹം തിങ്കളാഴ്ട രാവിലെ ഏഴു മുതല് മഞ്ഞുമ്മല് കര്മലീത്ത ആശ്രമ ദൈവാലയത്തില് പൊതുദര്ശനത്തിന് വയ്ക്കും. സംസ്കാരം തിങ്കളാഴ്ച ഉച്ചക്കുശേഷം മൂന്നിന് മഞ്ഞുമ്മല് കര്മലീത്ത ആശ്രമ ദേവാലയത്തില്.