.jpg)
തിരുവനന്തപുരത്ത് കിടപ്പുമുറിയില് സ്ഥാപിച്ച എസിക്കുള്ളില് അഞ്ചുപാമ്പുകള്
എസി ടെക്നീഷ്യനെത്തി എസി തുറന്നപ്പോള് അഞ്ച് വില്ലൂന്നി പാമ്പുകളെ കണ്ടു. മണിക്കൂറുകള് ശ്രമിച്ച് നാലെണ്ണത്തിനെ പിടിച്ചു
തിരുവനന്തപുരം: ശ്രീകാര്യത്ത് വീടിനുളളില് സ്ഥാപിച്ച എയർ കണ്ടീഷനറിനുള്ളില് (എസി) നിന്ന് അഞ്ച് പാമ്പുകളെ കണ്ടെത്തി.ചെറുവയ്ക്കല് സ്വദേശിയായ ടെക്നോപാർക്ക് ജീവനക്കാരൻ മാധവ് ജെ പണിക്കരുടെ വീട്ടിലെ കിടപ്പുമുറിയിലെ എസിയുടെ അകത്തുനിന്നാണ് പാമ്പുകളെ കണ്ടെത്തിയത്.
tRootC1469263">എസിയുടെ അടിഭാഗത്ത് വാലുപോലെ എന്തോ ശ്രദ്ധയില്പ്പെട്ടത് കണ്ട് നടത്തിയ പരിശോധനയിലാണ് പാമ്പിനെ കണ്ടെത്തിയത്.മരച്ചില്ലകള് വീടിന്റെ ടെറസിലേക്ക് താഴ്ന്ന് കിടന്നതുകൊണ്ടാണ് ഇവ വീട്ടിലെ എസിക്കുള്ളില് കയറിയത്
പിന്നാലെ മാധവ് വനം വകുപ്പിലെ ജീവനക്കാരെ വിവരമറിയിക്കുകയായിരുന്നു. ടോർച്ചടിച്ച് നോക്കിയപ്പോഴാണ് കൊമ്പേറി അഥവാ വില്ലൂന്നി എന്ന വിഭാഗത്തിലെ വിഷമില്ലാത്ത പാമ്പാണെന്ന് മനസിലായത്.
എസി ടെക്നീഷ്യനെത്തി എസി തുറന്നപ്പോള് അഞ്ച് വില്ലൂന്നി പാമ്പുകളെ കണ്ടു. മണിക്കൂറുകള് ശ്രമിച്ച് നാലെണ്ണത്തിനെ പിടിച്ചു. അഞ്ചാമത്തേത് ഔട്ടർ പൈപ്പിന്റെ വശത്തുകൂടി പുറത്തേക്കുചാടി. പിടികൂടിയ പാമ്പുകളെ ആള്ത്താമസമില്ലാത്ത സ്ഥലത്തെ കുറ്റിക്കാട്ടില് തുറന്നുവിടുകയും ചെയ്തു.