.jpg)
വൈറ്റില തൈക്കൂടത്ത് കാര്‍ ആക്സസറീസ് വില്‍ക്കുന്ന ഷോറൂമില്‍ വന്‍ തീപിടുത്തം
അഗ്‌നിശമന സേനയെത്തി തീ നിയന്ത്രണവിധേയമാക്കി. ആളപായമില്ല.
വൈറ്റില തൈക്കൂടത്ത് കാര്‍ ആക്സസറീസ് വില്‍ക്കുന്ന ഷോറൂമില്‍ വന്‍ തീപിടുത്തം. ദി കാര്‍സ് എന്ന സ്ഥാപനം പൂര്‍ണമായി കത്തി നശിച്ചു. അഗ്‌നിശമന സേനയെത്തി തീ നിയന്ത്രണവിധേയമാക്കി. ആളപായമില്ല.
രാത്രി 9 മണിയോടെയാണ് സ്ഥാപനത്തില്‍ തീപടര്‍ന്നത്. അരമണിക്കൂറിനുള്ളില്‍ അഗ്‌നിശമനസേനയെത്തി തീ അണയ്ക്കാന്‍ ശ്രമം ആരംഭിച്ചെങ്കിലും ഏറെ നേരത്തെ പരിശ്രമത്തിനൊടുവിലാണ് തീ നിയന്ത്രണവിധേയമാക്കാന്‍ കഴിഞ്ഞത്. വൈറ്റിലയില്‍ നിന്ന് തൃപ്പൂണിത്തുറ, പേട്ട ഭാഗങ്ങളിലേക്ക് പോകുന്ന വഴിയിലാണ് ഈ സ്ഥാപനം സ്ഥിതി ചെയ്യുന്നത്. പ്രദേശത്താകെ കറുത്ത പുക ഉയര്‍ന്നിട്ടുണ്ട്.
രണ്ട് നിലക്കെട്ടിടത്തിന്റെ ഗ്രൗണ്ട് ഫ്ളോറിലാണ് ഈ സ്ഥാപനമുള്ളത്. മുകള്‍ നിലയില്‍ പ്രവര്‍ത്തിച്ചുവന്നിരുന്ന ബ്രൈഡല്‍ മേക്കപ്പ് സ്റ്റുഡിയോയിലേക്കും തീ പടര്‍ന്നു. പ്രീമിയം കാര്‍ ആക്സസറീസ് ഷോറൂമിലുണ്ടായിരുന്ന വിലപിടിപ്പുള്ള സാധനങ്ങളെല്ലാം കത്തിനശിച്ചു.