ഓ ബൈ ഓസിയിലെ സാമ്പത്തിക തട്ടിപ്പ് ; മുൻകൂർ ജാമ്യാപേക്ഷ നൽകി ജീവനക്കാർ

Whatsapp Group

ഇവരുടെ അക്കൗണ്ടിലേക്ക് ക്യുആർ കോഡ് വഴി എത്തിയത് 60 ലക്ഷം രൂപയാണ്. തുക വിവിധ അക്കൗട്ടിലേക്ക് കൈമാറ്റം ചെയ്തതായും വ്യക്തമായി. രണ്ടുപേരുടെ അക്കൗണ്ടുകൾ പരിശോധിച്ചതിൽ നിന്നാണ് ഇത് കണ്ടെത്തിയത്. വിനീതയുടെ അക്കൗണ്ടിൽ 25 ലക്ഷം രൂപയും, ദിവ്യയുടെ അക്കൗണ്ടിൽ 35 ലക്ഷം രൂപയും എത്തിയതായും, ഈ തുക വിവിധ അക്കൗണ്ടുകളിലേക്ക് കൈമാറ്റം ചെയ്തതായുള്ള രേഖകളും പൊലീസിന് ലഭിച്ചു. അതേസമയം ജീവനക്കാരുടെ മൊഴിയിൽ വൈരുദ്ധ്യമുണ്ടെന്നും വിശദമായി ചോദ്യം ചെയ്യുമെന്നും പൊലീസ് പറഞ്ഞു. ബാങ്ക് അക്കൗണ്ട് വിവരങ്ങളും, സിസിടിവി ദൃശ്യങ്ങൾ, ഫോൺ രേഖകൾ എന്നിവ കേന്ദ്രീകരിച്ചാണ് പൊലീസ് അന്വേഷണം നടക്കുന്നത്.

നികുതി വെട്ടിക്കാനായി ദിയയുടെ നിർദേശ പ്രകാരമാണ് പണം അക്കൗണ്ടിലേക്ക് മാറ്റിയതെന്നും, പണം പിൻവലിച്ച് ദിയയ്ക്ക് നൽകിയെന്നുമാണ് ജീവനക്കാരുടെ മൊഴി. എന്നാൽ, ഇത് സാധൂകരിക്കുന്ന തെളിവുകളും പൊലീസിന് ലഭിച്ചില്ല. ഇതിനൊപ്പം നടനും ബിജെപി നേതാവുമായ കൃഷ്ണ കുമാറിനെതിരെ യുവതികൾ നൽകിയ പരാതിയിൽ മതിയായ തെളിവുകൾ പൊലീസിന് ലഭിച്ചിട്ടില്ല.