.jpg)
കെ-ടെറ്റില് അധ്യാപക നിയമനത്തിനുള്ള ഇളവുകള് പിൻവലിച്ചു
ഹൈസ്കൂള് അധ്യാപകർക്ക് പ്രഥമാധ്യാപകരാകാനോ, ഹയർ സെക്കൻഡറി വിഭാഗത്തിലേക്ക് ബൈട്രാൻസ്ഫർ വഴി നിയമനം ലഭിക്കാനോ ഇനി കെ-ടെറ്റ് കാറ്റഗറി-III നിർബന്ധമായി വിജയിച്ചിരിക്കണമെന്നും ഉത്തരവില് പറയുന്നു
തിരുവനന്തപുരം: അധ്യാപക നിയമനത്തിനുള്ള കെ-ടെറ്റ് (K-TET) ഇളവുകള് പിൻവലിച്ച് സര്ക്കാര്. എംഎഡ്, സെറ്റ്, നെറ്റ്, എംഫില്, പിഎച്ച്ഡി നേടിയവർക്ക് ഇളവുകള് ഉണ്ടെന്നായിരുന്നു പഴയ ഉത്തരവ്.ഇത് റദ്ദാക്കിയാണ് പുതിയ ഉത്തരവിറക്കിയത്.
2025 സെപ്റ്റംബർ ഒന്നിന് സുപ്രീം കോടതി പുറപ്പെടുവിച്ച വിധിന്യായത്തിന്റെ പശ്ചാത്തലത്തിലാണ് നടപടി. ഇതോടെ നിലവിലുണ്ടായിരുന്ന പല സുപ്രധാന ഇളവുകളും സർക്കാർ റദ്ദാക്കി.സെറ്റ് (SET), നെറ്റ് (NET), എംഫില്, പിഎച്ച്ഡി, എംഎഡ് എന്നീ ഉയർന്ന യോഗ്യതകള് ഉള്ളവരെ കെ-ടെറ്റില് നിന്ന് ഒഴിവാക്കിയിരുന്ന മുൻ ഉത്തരവ് റദ്ദാക്കി. ഇനി അധ്യാപക തസ്തികകളിലേക്കും സ്ഥാനക്കയറ്റത്തിനും ഇവർക്കും കെ-ടെറ്റ് നിർബന്ധമാണ്. ഹൈസ്കൂള് അധ്യാപകർക്ക് പ്രധാന അധ്യാപകരാകാനോ, ഹയർ സെക്കൻഡറി വിഭാഗത്തിലേക്ക് (HSST) ബൈട്രാൻസ്ഫർ നിയമനം ലഭിക്കാനോ കെ-ടെറ്റ് കാറ്റഗറി-III യോഗ്യത ഇനി ആവശ്യമാണ്.
tRootC1469263">എച്ച്.എസ്.ടി/യു.പി.എസ്.ടി/എല്.പി.എസ്.ടി തസ്തികകളിലേക്കുള്ള ബൈട്രാൻസ്ഫർ നിയമനങ്ങള്ക്ക് അതാത് കാറ്റഗറിയിലെ കെ-ടെറ്റ് വിജയിച്ച അധ്യാപകരെയും അനധ്യാപകരെയും മാത്രമേ പരിഗണിക്കുകയുള്ളൂ. എല്.പി, യു.പി അധ്യാപക നിയമനങ്ങള്ക്ക് കെ-ടെറ്റ് കാറ്റഗറി I, II എന്നിവയില് ഏതെങ്കിലും ഒന്ന് വിജയിച്ചവരെ പരിഗണിക്കുന്നത് തുടരും. എന്നാല് ഹൈസ്കൂള് വിഭാഗത്തില് കാറ്റഗറി III തന്നെ വേണം.
കേന്ദ്ര അധ്യാപക യോഗ്യതാ പരീക്ഷ (CTET) വിജയിച്ചവർക്കുള്ള ഇളവ് തുടരും. പുതിയ ഉത്തരവ് നിലവില് സർവീസിലുള്ള ആയിരക്കണക്കിന് അധ്യാപകരുടെ സ്ഥാനക്കയറ്റത്തെയും ആനുകൂല്യങ്ങളെയും പ്രതികൂലമായി ബാധിക്കും. കെ-ടെറ്റിന്റെ പേരില് സ്ഥാനക്കയറ്റം തടയില്ലെന്ന് മുൻപ് ഉറപ്പുനല്കിയ സർക്കാർ ഇപ്പോള് അധ്യാപകരെ വഞ്ചിക്കുകയാണെന്ന് അധ്യാപക സംഘടനകള് ആരോപിച്ചു