.jpg)
തൊടുപുഴയില് ലോറിയും ബൈക്കും കൂട്ടിയിടിച്ച് അപകടം, എന്ജിനീയറിങ് വിദ്യാര്ത്ഥിക്ക് ദാരുണാന്ത്യം
കാഞ്ഞിരപ്പള്ളി സ്വദേശി അഭിഷേക് വിനോദ് ആണ് മരിച്ചത്.
തൊടുപുഴ-കോലാനി ബൈപ്പാസിലുണ്ടായ ദാരുണമായ വാഹനാപകടത്തില് എന്ജിനീയറിങ് വിദ്യാര്ത്ഥി മരിച്ചു. കാഞ്ഞിരപ്പള്ളി സ്വദേശി അഭിഷേക് വിനോദ് ആണ് മരിച്ചത്. ഞായറാഴ്ച പുലര്ച്ചെ കോലാനി ബൈപ്പാസില് തോട്ടപുറം ഫ്യൂവല്സിന് സമീപമാണ് അപകടം നടന്നത്. അഭിഷേകും സുഹൃത്തും സഞ്ചരിച്ചിരുന്ന ബൈക്ക് ലോറിയുമായി കൂട്ടിയിടിക്കുകയായിരുന്നു. കളമശ്ശേരി ഗവണ്മെന്റ് എന്ജിനീയറിങ് കോളേജിലെ വിദ്യാര്ത്ഥിയാണ് അഭിഷേക്.
tRootC1469263">അപകടത്തില് അഭിഷേകിന്റെ സഹപാഠിയും കൊട്ടാരക്കര സ്വദേശിയുമായ കിരണ് രാധാകൃഷ്ണന് (19) ഗുരുതരമായി പരിക്കേറ്റു. ഇരുവരെയും ഉടന് തന്നെ തൊടുപുഴയിലെ സ്വകാര്യ ആശുപത്രിയില് എത്തിച്ചെങ്കിലും അഭിഷേകിന്റെ ജീവന് രക്ഷിക്കാനായില്ല. ഗുരുതരമായി പരിക്കേറ്റ കിരണ് നിലവില് തീവ്രപരിചരണ വിഭാഗത്തില് ചികിത്സയിലാണ്. പാലാ ഭാഗത്തേക്ക് ബൈക്കില് പോവുകയായിരുന്നു വിദ്യാര്ത്ഥികള്. സംഭവത്തില് പോലീസ് കേസെടുത്ത് അന്വേഷണം ആരംഭിച്ചു.
