അങ്കമാലിയില്‍ ആന ഇടഞ്ഞ സംഭവം; പരിക്കേറ്റ പാപ്പാന്‍ പ്രദീപിന്റെ ആരോഗ്യനില തൃപ്തികരം

അങ്കമാലിയിലെ ആനയുടെ പരാക്രമത്തില്‍ പരിക്കേറ്റ പാപ്പാന്‍ പ്രദീപിന്റെ ആരോഗ്യനില തൃപ്തികരമെന്ന് ആശുപത്രി. പ്രദീപിന് അടിയന്തര ശസ്ത്രക്രിയ ആവശ്യമില്ലെന്ന് ആശുപത്രി അധികൃതര്‍ അറിയിച്ചു. പ്രദീപിന് നട്ടെല്ലിനും തലയ്ക്കുമാണ് പരിക്കേറ്റത്. ആനയുടെ ആക്രമണത്തില്‍ ലോറി ഡ്രൈവര്‍ വിഷ്ണു കൊല്ലപ്പെട്ടിരുന്നു.

ഗുരുതരമായി പരിക്കേറ്റ പ്രദീപിനെ ആശുപത്രിയിലേക്ക് മാറ്റുകയുമായിരുന്നു. അതേസമയം, ആനയെ ഉടമ കൊല്ലത്തേക്ക് കൊണ്ടുപോയി. ആന ഉണ്ടാക്കിയ നാശനഷ്ടങ്ങളുടെ ചെലവ് ഉടമ വഹിക്കും.