തിരുവനന്തപുരത്ത് കല്യാണമണ്ഡപത്തിലെ അലങ്കാരവിളക്കിൽ നിന്ന് വിദ്യാർത്ഥി ഷോക്കേറ്റ് മരിച്ച സംഭവം; ബാലാവകാശ കമ്മിഷൻ കേസെടുത്തു

തിരുവനന്തപുരം  : തിരുവനന്തപുരം പാറശ്ശാലയിൽ കല്യാണവിരുന്നിൽ പങ്കെടുക്കാനെത്തിയ 14 വയസ്സുകാരൻ കല്യാണമണ്ഡപത്തിലെ അലങ്കാരവിളക്കിൽ നിന്ന് ഷോക്കേറ്റു മരിച്ച സംഭവത്തിൽ സംസ്ഥാന ബാലാവകാശ സംരക്ഷണ കമ്മിഷൻ സ്വമേധയാ കേസെടുത്തു.

അലങ്കാരവിളക്കുകൾ അലക്ഷ്യമായി സ്ഥാപിച്ചതാണ് അപകടത്തിന് കാരണമെന്ന് ബന്ധുക്കൾ ആരോപിച്ചിരുന്നു.സംഭവത്തിൽ പാറശ്ശാല എസ് എച്ച് ഒ,  ജില്ലാ ശിശു സംരക്ഷണ ഓഫീസർ എന്നിവരിൽ നിന്ന്  കമ്മിഷൻ വിശദീകരണം ആവശ്യപ്പെട്ടു.