.jpg)
കൊല്ലത്ത് മാങ്ങ പറിക്കുന്നതിനിടെ ഇരുമ്പ് തോട്ടി വൈദ്യുതി ലൈനില് തട്ടി വയോധികന് ദാരുണാന്ത്യം
Updated: May 22, 2026, 12:34 IST
നീളമേറിയ ഇരുമ്പ് തോട്ടി ഉപയോഗിച്ച് വീട്ടുമുറ്റത്തെ മാവില് നിന്നും മാങ്ങ പറിക്കുന്നതിനിടെ അബദ്ധത്തില് വൈദ്യുതി ലൈനില് തോട്ടി കുരുങ്ങിയെന്നാണ് കരുതുന്നത്.
കൊല്ലം : മാങ്ങ പറിക്കുന്നതിനിടെ ഇരുമ്പ് തോട്ടി വൈദ്യുതി ലൈനില് തട്ടി വയോധികന് ദാരുണാന്ത്യം.ശൂരനാട് സ്വദേശികളായ തെക്ക് തൃക്കുന്നപ്പുഴ വടക്ക് പെരുമന മീനത്തേതില് രാജേന്ദ്രൻ പിള്ള (72) ആണ് മരിച്ചത്.കഴിഞ്ഞ ദിവസം വൈകിട്ട് നാലിനാണ് അപകടം.
നീളമേറിയ ഇരുമ്പ് തോട്ടി ഉപയോഗിച്ച് വീട്ടുമുറ്റത്തെ മാവില് നിന്നും മാങ്ങ പറിക്കുന്നതിനിടെ അബദ്ധത്തില് വൈദ്യുതി ലൈനില് തോട്ടി കുരുങ്ങിയെന്നാണ് കരുതുന്നത്.ഷോക്കേറ്റ് തെറിച്ചു വീണ രാജേന്ദ്രൻ പിള്ളയെ ശാസ്താംകോട്ടയിലെ സ്വകാര്യ ആശുപത്രിയില് എത്തിച്ചെങ്കിലും രക്ഷിക്കാനായില്ല.തൊഴിലുറപ്പ് തൊഴിലാളിയാണ് രാജേന്ദ്രൻ പിള്ള. ഭാര്യ: ഇന്ദിരയമ്മ. മക്കള്: ജയലക്ഷ്മി, രാജലക്ഷ്മി. മരുമക്കള്: തുളസീധരക്കുറുപ്പ്, ഉണ്ണി ബാലകൃഷ്ണപിള്ള