.jpg)
മാസപ്പടി കേസില് നിര്ണായക ചോദ്യം ചെയ്യല് നടപടികളിലേക്ക് ഇഡി
Jun 11, 2026, 07:51 IST
പിണറായി വിജയന്റെ മകളും എക്സാലോജിക് കമ്പനി ഉടമയുമായ വീണ യോട് നാളെയാണ് ചോദ്യം ചെയ്യലിന് ഹാജരാകാന് ഇഡി നിര്ദേശിച്ചിരിക്കുന്നത്.
മാസപ്പടി കേസില് നിര്ണായക ചോദ്യം ചെയ്യല് നടപടികളിലേക്ക് എന്ഫോഴ്സ്മെന്റ് ഡയറക്ടറേറ്റ്. കരിമണല് കമ്പനിയായ സിഎംആര്എലിലെ ജീവനക്കാര് ഇന്ന് ചോദ്യം ചെയ്യലിനായി കൊച്ചിയിലെ ഇഡി ആസ്ഥാനത്ത് ഹാജരായേക്കും. പിണറായി വിജയന്റെ വീട്ടിലടക്കം പരിശോധന നടത്തി ശേഖരിച്ച തെളിവുകളുടെ അടക്കം അടിസ്ഥാനത്തിലായിരിക്കും ചോദ്യം ചെയ്യല്. പ്രതിപക്ഷ നേതാവ് പിണറായി വിജയന്റെ മകളും എക്സാലോജിക് കമ്പനി ഉടമയുമായ വീണ യോട് നാളെയാണ് ചോദ്യം ചെയ്യലിന് ഹാജരാകാന് ഇഡി നിര്ദേശിച്ചിരിക്കുന്നത്.
സിഎംആര്എല് എംഡി എസ്, എന് ശശിധരന് കര്ത്തയും ജീവനക്കാര്ക്കുമടക്കം 9 പേര്ക്കാണ് ആദ്യ ഘട്ട നോട്ടീസ്. കരിമണല് കമ്പനിയില് നിന്ന് എന്തിന് പണം ലഭിച്ചു എന്ന് വ്യക്തമാക്കുന്ന രേഖകള് സഹിതം ഹാജരാകാനാണ് പിണറായി വിജയന്റെ മകള് വീണക്ക് ഇഡി നല്കിയ നിര്ദ്ദേശം.
