.jpg)
'പിഎംശ്രീ നടപ്പാക്കരുത്'; സംസ്ഥാന സര്ക്കാരിന് മുന്നറിയിപ്പുമായി യൂത്ത് ലീഗ്
സര്ക്കാര് ജനങ്ങളുടെ കൂടെയല്ലെങ്കില് ജനങ്ങള് ഭരണകൂടങ്ങള്ക്ക് എതിരാകുമെന്നും യൂത്ത് ലീഗ് സംസ്ഥാന അധ്യക്ഷന് പാണക്കാട് മുനവ്വറലി ശിഹാബ് തങ്ങള് പറഞ്ഞു.
പി എം ശ്രീയില് സംസ്ഥാന സര്ക്കാരിന് മുന്നറിയിപ്പുമായി യൂത്ത് ലീഗ്. പി എം ശ്രീ നടപ്പിലാക്കരുതെന്നാണ് നിലപാടെന്ന് യൂത്ത് ലീഗ് വ്യക്തമാക്കി. വോട്ട് ചെയ്ത ജനങ്ങള്ക്ക് അനിഷ്ടമായ എന്തെങ്കിലും ഉണ്ടായാല് അത് പറയാന് യൂത്ത് ലീഗ് ഉണ്ടാകുമെന്നും സര്ക്കാര് ജനങ്ങളുടെ കൂടെയല്ലെങ്കില് ജനങ്ങള് ഭരണകൂടങ്ങള്ക്ക് എതിരാകുമെന്നും യൂത്ത് ലീഗ് സംസ്ഥാന അധ്യക്ഷന് പാണക്കാട് മുനവ്വറലി ശിഹാബ് തങ്ങള് പറഞ്ഞു. യൂത്ത് ലീഗ് മലപ്പുറം ജില്ലാ സമ്മേളനം ഉദ്ഘാടനം ചെയ്തു കൊണ്ട് മുനവ്വറലി ശിഹാബ് തങ്ങളാണ് നിലപാട് വ്യക്തമാക്കിയത്.
കഴിഞ്ഞ സര്ക്കാരാണ് പി എം ശ്രീയില് ഒപ്പുവെച്ചത്. അന്ന് യൂത്ത് ലീഗായിരുന്നു ഏറ്റവും കൂടുതല് എതിര്ത്തത്. യുഡിഎഫ് സര്ക്കാരിന്റെ കാലത്ത് പി എം ശ്രീ വരരുതെന്ന് ആഗ്രഹിക്കുന്നുണ്ട്. സര്ക്കാര് അതില് ഉപസമിതി ഉണ്ടാക്കി തീരുമാനത്തിന് കാത്തിരിക്കുകയാണ്. ജനവികാരത്തിന് എതിരായി സര്ക്കാര് തീരുമാനം എടുത്താല് യൂത്ത് ലീഗ് അപ്പോള് അഭിപ്രായം പറയുമെന്നും മുനവ്വറലി ശിഹാബ് തങ്ങള് കൂട്ടിച്ചേര്ത്തു.
