.jpg)
തീരുമാനത്തിലെത്തിയില്ല ; കോണ്ഗ്രസ് മുഖ്യമന്ത്രി പ്രഖ്യാപനം നീളുന്നു
May 10, 2026, 09:08 IST
കോണ്ഗ്രസ് തീരുമാനം ഘടകകക്ഷി നേതാക്കളെ അറിയിക്കും
നേതാക്കള്ക്കിടയില് സമവായമാവാത്തതിനാല് കോണ്ഗ്രസ് മുഖ്യമന്ത്രി പ്രഖ്യാപനം നീളുന്നു. ഇന്നലെ ഡല്ഹിയില് രാഹുല് ഗാന്ധിയുടെയും കോണ്ഗ്രസ് അധ്യക്ഷന് മല്ലികാര്ജുന് ഖര്ഗെയുടെയും നേതൃത്വത്തില് നടന്ന മാരത്തണ് ചര്ച്ചയ്ക്കൊടുവിലും ഒറ്റപ്പേരിലേക്കെത്താന് കഴിഞ്ഞില്ല. കോണ്ഗ്രസ് തീരുമാനം ഘടകകക്ഷി നേതാക്കളെ അറിയിക്കും
സമയമുണ്ടെന്നും തീരുമാനം ഹൈക്കമാന്ഡ് പ്രഖ്യാപിക്കുമെന്നുമായിരുന്നു ചര്ച്ചയ്ക്കുശേഷം കേരളത്തിന്റെ ചുമതലയുള്ള എഐസിസി ജനറല് സെക്രട്ടറി ദീപാദാസ് മുന്ഷിയുടെ പ്രതികരണം. ഇനി ചര്ച്ചയില്ലെന്നും പ്രഖ്യാപനം മാത്രമേയുള്ളൂവെന്നുമാണ് നേതാക്കള് വ്യക്തമാക്കുന്നത്. പ്രഖ്യാപനം ഇന്നോ നാളെയോ ഉണ്ടായേക്കുമെന്നാണ് സൂചന.
