'ധർമേന്ദ്ര പ്രധാന്റെ രാജിയുടെ ക്രെഡിറ്റ് കോൺഗ്രസിന് വേണ്ട' ; ഇത് യുവജനങ്ങളുടെ വിജയം; ഇത് യുവജന സമരത്തിന്റെ വിജയമായാണ് കാണുന്നതെന്ന് കെ.സി. വേണുഗോപാൽ

 കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാന്റെ രാജിയുടെ ക്രെഡിറ്റ് കോൺഗ്രസിന് ആവശ്യമില്ലെന്നും ഇത് യുവജന സമരത്തിന്റെ വിജയമായാണ് കാണുന്നതെന്നും എ.ഐ.സി.സി ജനറൽ സെക്രട്ടറി കെ.സി. വേണുഗോപാൽ. ജന്തർമന്തറിൽ വിദ്യാർത്ഥികൾ നടത്തിയ പ്രക്ഷോഭത്തിന്റെ ആദ്യഘട്ടത്തിൽ കോൺഗ്രസ് നേരിട്ട് മുന്നിൽ വരാതിരുന്നത് സർക്കാരിനെ അട്ടിമറിക്കാൻ കോൺഗ്രസ് ശ്രമിക്കുന്നുവെന്ന ബി.ജെ.പിയുടെ പ്രചാരണം ഒഴിവാക്കാനാണെന്ന് മാധ്യമങ്ങളോട് സംസാരിക്കവേ അദ്ദേഹം വ്യക്തമാക്കി. കോൺഗ്രസ് മുന്നിൽ നിന്നില്ലെങ്കിലും സമരക്കാർക്ക് ആവശ്യമായ നിയമസഹായങ്ങളും പിന്തുണയും നൽകി പിൻനിരയിൽ സജീവമായി ഉണ്ടായിരുന്നുവെന്നും അദ്ദേഹം കൂട്ടിച്ചേർത്തു.

മന്ത്രിയുടെ രാജിയോടെ വിഷയങ്ങൾ അവസാനിക്കുന്നില്ലെന്നും വിദ്യാർത്ഥികൾക്ക് ആത്മവിശ്വാസത്തോടെ പരീക്ഷ എഴുതാനുള്ള അന്തരീക്ഷം ഒരുക്കണമെന്നും കെ.സി. വേണുഗോപാൽ ആവശ്യപ്പെട്ടു. പരീക്ഷാ സംവിധാനം മെച്ചപ്പെടുത്താൻ കേന്ദ്രം കൊണ്ടുവരുന്ന ബില്ലിൽ പ്രതിപക്ഷ കക്ഷികൾ സംയുക്ത നിലപാട് സ്വീകരിക്കും. സമരം ചെയ്ത വിദ്യാർത്ഥികളെ ക്രൂരമായി അടിച്ചമർത്തിയ നടപടിയിൽ പ്രധാനമന്ത്രി നരേന്ദ്ര മോദിയും കേന്ദ്ര ആഭ്യന്തര മന്ത്രി അമിത് ഷായും മാപ്പു പറയണമെന്ന് അദ്ദേഹം ആവശ്യപ്പെട്ടു.