.jpg)
ഡയാലിസിസിന് പിന്നാലെയുള്ള രോഗികളുടെ മരണം: ഹരിപ്പാട് താലൂക്ക് ആശുപത്രി അധികൃതര്ക്കെതിരെ കേസെടുത്തു
കഴിഞ്ഞ മാസം 29 നാണ് സംഭവം. അന്ന് ഡയാലിസിസിന് വിധേയരായ ആറുപേർക്കാണ്, ഡയാലിസിസിനിടെ അസ്വസ്ഥത അനുഭവപ്പെട്ടത്. ഇവർക്ക് വിറയലും ഛർദ്ദിയും അനുഭവപ്പെട്ടു
പാലക്കാട്: ഡയാലിസിസിന് വിധേയരായ രോഗികള് തുടർച്ചയായി മരിച്ച സംഭവത്തില് ഹരിപ്പാട് താലൂക്ക് ആശുപത്രി അധികൃതർക്കെതിരെ പോലീസ് കേസെടുത്തു.ചികിത്സാ പിഴവിനാണ് ഹരിപ്പാട് പോലീസ് കേസ് രജിസ്റ്റർ ചെയ്തിരിക്കുന്നത്.
കഴിഞ്ഞ മാസം 29 നാണ് സംഭവം. അന്ന് ഡയാലിസിസിന് വിധേയരായ ആറുപേർക്കാണ്, ഡയാലിസിസിനിടെ അസ്വസ്ഥത അനുഭവപ്പെട്ടത്. ഇവർക്ക് വിറയലും ഛർദ്ദിയും അനുഭവപ്പെട്ടു. തുടർന്ന് മജീദിനെയും മറ്റൊരാളെയും മെഡിക്കല് കോളജ് ആശുപത്രിയിലും, രാമചന്ദ്രനെ തട്ടാരമ്ബലത്തെ ആശുപത്രിയിലും പ്രവേശിപ്പിച്ചുവെങ്കിലും മരിക്കുകയായിരുന്നു.
tRootC1469263">ഭാരതീയ ന്യായ സംഹിതയിലെ (BNS) 125 (മറ്റൊരാളുടെ ജീവനോ വ്യക്തിസുരക്ഷയ്ക്കോ അപകടമുണ്ടാക്കുന്ന പ്രവൃത്തി), 106(1) (അശ്രദ്ധമൂലമുള്ള മരണം) എന്നീ വകുപ്പുകള് പ്രകാരമാണ് കേസ്. ആശുപത്രി സൂപ്രണ്ട്, ഡയാലിസിസ് യൂണിറ്റിലെ ജീവനക്കാർ എന്നിവരെ പ്രതിപ്പട്ടികയില് ഉള്പ്പെടുത്തും.
മരിച്ച രോഗികളിലൊരാളായ രാമചന്ദ്രന്റെ ബന്ധുക്കള് നല്കിയ പരാതിയിലാണ് പോലീസ് നടപടി. സംഭവത്തില് ശാസ്ത്രീയമായ തെളിവുകള് ശേഖരിക്കുന്നതിനായി പുതിയ മെഡിക്കല് ബോർഡ് രൂപീകരിച്ച് അന്വേഷണം നടത്തണമെന്ന് പോലീസ് ആവശ്യപ്പെട്ടിട്ടുണ്ട്.