.jpg)
ശബരിമല സ്വര്ണക്കൊള്ളയില് നിര്ണായക പരിശോധന ഫലം എസ്ഐടിക്ക്; കട്ടിളപ്പാളികള് മാറ്റിയിട്ടില്ല, തട്ടിയെടുത്തത് പൂശിയ സ്വര്ണം
May 30, 2026, 11:22 IST
തിരുവനന്തപുരം: ശബരിമല സ്വര്ണക്കൊള്ളയില് നിര്ണായക പരിശോധന ഫലം എസ്ഐടിക്ക്. ജംഷദ്പൂരിലെ ലാബില് സാമ്പിള് പരിശോധന നടത്തിയ റിപ്പോര്ട്ട് ലഭിച്ചു. എട്ടു സാമ്പിളുകളുടെ പരിശോധന ഫലമാണ് ലഭിച്ചത്. കട്ടിളപ്പാളികള് മാറ്റിയില്ലെന്നും, തട്ടിയെടുത്തത് പൂശിയ സ്വര്ണം മാത്രമാണെന്നും റിപ്പോര്ട്ടില് പറയുന്നു.
ദ്വാരപാലക ശില്പ്പപാളി, കട്ടിളപ്പാളി എന്നിവയില് നിന്ന് ശേഖരിച്ച സാമ്പിളുകളുടെ പരിശോധന ഫലങ്ങളാണ് പുറത്തുവന്നത്. നാല് മാസം മുന്പാണ് സാമ്പിളുകള് പരിശോധനയ്ക്കയച്ചത്. കാലപ്പഴക്കം ഉള്പ്പെടെയുള്ളവ പരിശോധിച്ചിരുന്നു. ചെമ്പ് പാളിക്ക് 28 വര്ഷത്തെ പഴക്കമുണ്ടെന്ന് പരിശോധനയില് കണ്ടെത്തി. നേരത്തെ വിഎസ്എസ്സിയില് സ്വര്ണപ്പാളികള് പരിശോധന നടത്തിയിരുന്നു ഇതില് വ്യക്തത വരാത്ത സാഹചര്യത്തിലാണ് വീണ്ടും പരിശോധന നടത്തിയിരുന്നത്.
