.jpg)
ശബരിമലയിലെ നെയ്യ് ക്രമക്കേട് ക്രൈംബ്രാഞ്ച് അന്വേഷിക്കും; ഉത്തരവിട്ട് ആഭ്യന്തര വകുപ്പ്
Aug 1, 2026, 07:57 IST
മില്മയില് നിന്ന് ശബരിമലയിലേക്ക് നെയ്യ് കൊണ്ടു പോയ രീതി ഉള്പ്പെടെ അന്വേഷിക്കാനാണ് നീക്കം.
ശബരിമലയിലെ നെയ്യ് ക്രമക്കേട് അന്വേഷിക്കാന് ക്രൈംബ്രാഞ്ച്. ദേവസ്വം സെക്രട്ടറി രാജമാണിക്യം നടത്തിയ അന്വേഷണത്തില് ഗുരുതര ക്രമക്കേടുകള് കണ്ടെത്തിയതിനെ തുടര്ന്നാണ് തീരുമാനം. രാജമാണിക്യത്തിന്റെ റിപ്പോര്ട്ടിന്റെ അടിസ്ഥാനത്തില് ക്രൈംബ്രാഞ്ച് അന്വേഷണത്തിന് ആഭ്യന്തരവകുപ്പ് ഉത്തരവിടുകയായിരുന്നു.
മില്മയില് നിന്ന് ശബരിമലയിലേക്ക് നെയ്യ് കൊണ്ടു പോയ രീതി ഉള്പ്പെടെ അന്വേഷിക്കാനാണ് നീക്കം. ശബരിമലയില് ഉപയോഗിക്കുന്ന നെയ്യുടെ പരിശോധന ഇനിമുതല് ബാച്ച് അടിസ്ഥാനത്തില് നടത്തും. നെയ്യ് പുറത്തുനിന്ന് വാങ്ങിയാല് നിര്മ്മാണ കേന്ദ്രം മുതല് എത്തിക്കുന്നത് വരെയുള്ള ഘട്ടം വരെ ഡിജിറ്റല് ട്രാക്കിംഗ് നടത്തും. സപ്ലൈ ഡിജിറ്റല് മൂവ്മെന്റ് രജിസ്റ്റര് ഉറപ്പാക്കുമെന്നും മന്ത്രി കെ മുരളീധരന് വാര്ത്താക്കുറിപ്പില് അറിയിച്ചു.
