പുനഃസംഘടിപ്പിച്ച സിപിഎം സംസ്ഥാന സെക്രട്ടേറിയറ്റ് യോഗം ഇന്ന്

തിരുവനന്തപുരം: വിപുലീകൃത സംസ്ഥാന കമ്മിറ്റിക്ക് ശേഷമുള്ള ആദ്യ സിപിഎം സംസ്ഥാന സെക്രട്ടേറിയറ്റ് യോഗം ഇന്ന് തിരുവനന്തപുരത്ത് ചേരും. പുതുതായി സെക്രട്ടറിയേറ്റില്‍ ഉള്‍പ്പെട്ട പി ജയരാജന്‍, എംബി രാജേഷ്, വി ശിവന്‍കുട്ടി, ക്ഷണിതാവായ ജോണ്‍ ബ്രിട്ടാസ് എന്നിവര്‍ യോഗത്തില്‍ പങ്കെടുക്കും

സെപ്റ്റംബർ-ഒക്ടോബർ മാസങ്ങളിലായി വിപുലീകൃത ജില്ലാ കമ്മിറ്റി യോഗങ്ങൾ വിളിച്ചുചേർക്കുന്നതിനാണ് യോഗം പ്രഥമ പരിഗണന നൽകുന്നത്. പാർട്ടി തീരുമാനപ്രകാരം ആദ്യ വിപുലീകൃത യോഗം കണ്ണൂർ ജില്ലാ കമ്മിറ്റിയിലായിരിക്കും ചേരുക. തെരഞ്ഞെടുപ്പിലെ കനത്ത തോൽവിയെത്തുടർന്ന് ഉയർന്ന തെറ്റുതിരുത്തൽ നിർദേശങ്ങളുടെ പശ്ചാത്തലത്തിൽ ചില ജില്ലാ സെക്രട്ടറിമാർ, സെക്രട്ടറിയേറ്റ് അംഗങ്ങൾ എന്നിവരിൽ മാറ്റങ്ങൾ വരുത്തുന്നത് സംബന്ധിച്ച ചർച്ചകൾ നടന്നേക്കും.

 തെരഞ്ഞെടുപ്പ് തിരിച്ചടികളെ തുടര്‍ന്ന് ഉയര്‍ന്ന വിമര്‍ശനങ്ങളുടെ പശ്ചാത്തലത്തില്‍, ചില ജില്ലാ സെക്രട്ടറിമാരെയും സെക്രട്ടേറിയറ്റ് അംഗങ്ങളെയും മാറ്റുന്നത് സംബന്ധിച്ച നിര്‍ണായക തീരുമാനങ്ങള്‍ വരുംദിവസങ്ങളില്‍ ഉണ്ടായേക്കാം. നിയമസഭാ തെരഞ്ഞെടുപ്പിലെ കനത്ത പരാജയത്തിന് പിന്നാലെ കോഴിക്കോട് ചേര്‍ന്ന വിപുലീകൃത സംസ്ഥാന കമ്മിറ്റിയില്‍ അവതരിപ്പിച്ച നിര്‍ദ്ദേശങ്ങളും മാറ്റങ്ങളും ഇന്നത്തെ യോഗം ചര്‍ച്ച ചെയ്യും.