സാധാരണ ജനങ്ങളുടെ പള്‍സ് മനസിലാക്കാന്‍ എല്‍ഡിഎഫ് നേതൃത്വത്തിന് കഴിഞ്ഞില്ല; സിപിഐഎമ്മിനും നേതാക്കൾക്കും കേരള കോൺഗ്രസ് എം സ്റ്റീയറിംഗ് കമ്മിറ്റി യോഗത്തിൽ വിമർശനം

കോട്ടയം: സിപിഐഎമ്മിനും എൽഡിഎഫ് നേതാക്കൾക്കും വിമർശനം. കേരള കോൺഗ്രസ് എം സ്റ്റീയറിംഗ് കമ്മിറ്റി യോഗത്തിലാണ് പാർട്ടിക്കും നേതാക്കൾക്കുമെതിരെ വിമർശനമുയർന്നത് . സിപിഐഎം അണികൾ വ്യാപകമായി ക്രോസ് വോട്ട് ചെയ്തുവെന്നും സാധാരണ ജനങ്ങളുടെ പള്‍സ് മനസിലാക്കാന്‍ എല്‍ഡിഎഫ് നേതൃത്വത്തിന് കഴിഞ്ഞില്ലെന്നുമാണ് പ്രധാനമായും ഉയരുന്ന വിമര്‍ശനം.

മുഖ്യമന്ത്രിക്കെതിരെയും രൂക്ഷവിമർശനമാണ് യോഗത്തിലുണ്ടായത്. തോൽവിയുടെ കാരണം മുഖ്യമന്ത്രിയാണ്. ഇനിയും മുഖ്യമന്ത്രി തന്നെ നയിച്ചു മുന്നോട്ട് പോയാൽ കനത്ത തിരിച്ചടി ഉണ്ടാകും.ബംഗാളിന് സമാനമായ അവസ്ഥയിലേക്ക് പോകും. അത് കൊണ്ട് തന്നെ പുതിയ പ്രതിപക്ഷ നേതാവ് ഉണ്ടാവണമെന്ന സിപിഐയുടെ നിലപാടിനെ പിന്തുണയ്ക്കുന്നത് നല്ലതാവുമെന്നും അഭിപ്രായം ഉയര്‍ന്നു.