.jpg)
പാചകവാതക പ്രതിസന്ധി ; കടുത്ത നടപടികളിലേക്ക് നീങ്ങാന് ഹോട്ടല് ആന്ഡ് റസ്റ്റോറന്റ് അസോസിയേഷന്
ജൂണ് ഒന്നിനകം പ്രതിസന്ധിക്ക് പരിഹാരം കണ്ടില്ലെങ്കില് പാര്ലമെന്റ് മാര്ച്ച് അടക്കമുള്ള പ്രതിഷേധ പരിപാടികളിലേക്ക് കടക്കും.
പാചകവാതക പ്രതിസന്ധിയെ തുടര്ന്ന് കടുത്ത നടപടികളിലേക്ക് നീങ്ങാന് ഹോട്ടല് ആന്ഡ് റസ്റ്റോറന്റ് അസോസിയേഷന്. സംസ്ഥാനത്തെ മൂവായിരത്തില് പരം ഹോട്ടലുകള് അടച്ചിടാന് നീക്കം. വില കുറയ്ക്കാതെ ചെറുകിട കച്ചവടക്കാര്ക്ക് മുന്നോട്ടുപോകാന് ആകില്ലെന്ന് വിലയിരുത്തല്. ജൂണ് ഒന്നിനകം പ്രതിസന്ധിക്ക് പരിഹാരം കണ്ടില്ലെങ്കില് പാര്ലമെന്റ് മാര്ച്ച് അടക്കമുള്ള പ്രതിഷേധ പരിപാടികളിലേക്ക് കടക്കും. മറ്റ് സംസ്ഥാനങ്ങളിലെ അസോസിയേഷനുകളുമായി സഹകരിച്ച് നീങ്ങാന് ആണ് ശ്രമം.
പാചകവാതക പ്രതിസന്ധി നേരിടുന്നതിന് അടിയന്തര നടപടികള് സ്വീകരിക്കാന് സിവില് സപ്ലൈസ് കമ്മീഷണറേറ്റില് വാര് റൂം പ്രവര്ത്തനം ആരംഭിച്ചു. കഴിഞ്ഞ ദിവസം മുഖ്യമന്ത്രിയുടെ അധ്യക്ഷതയില് ചേര്ന്ന ഉന്നത ഉദ്യോഗസ്ഥരും ഓയില് കമ്പനികളുമായി നടത്തിയ ചര്ച്ചയ്ക്ക് പിന്നാലെയാണ് തീരുമാനം. മുന്ഗണനാ സ്ഥാപനങ്ങളുടെ പട്ടിക പൊതുവിതരണ വകുപ്പ് ഓയില് കമ്പനികള്ക്ക് കൈമാറും.
മുന്ഗണനാമേഖലകളിലും സ്കൂള്, കോളേജ് ഹോസ്റ്റലുകള്, ഗസ്റ്റ് ഹൗസുകള്, സര്ക്കാര്- പൊതുമേഖല ഓഫീസ് ക്യാമ്പസിലെ ക്യാന്റീനുകള് എന്നിവയിലും മുന്ഗണന നല്കി വാണിജ്യ ആവശ്യത്തിനുള്ള സിലിണ്ടറുകള് വിതരണം ചെയ്യാന് തയ്യാറാകണമെന്ന സര്ക്കാരിന്റെ അഭ്യര്ഥന അനുകൂലമായി പരിഗണിക്കാമെന്ന് ഓയില് കമ്പനികള് അറിയിച്ചു
